ସମ୍ବଲପୁର : ୧୨ ଘଣ୍ଟିଆ ସମ୍ବଲପୁର ବନ୍ଦ । ପାଞ୍ଚ ଦଫା ଦାବିରେ ଆଜି ୧୨ ଘଣ୍ଟିଆ ସମ୍ବଲପୁର ବନ୍ଦ ଡାକରା ଦିଆଯାଇଛି । ସମ୍ବଲପୁର ନାଗରିକ କ୍ରିୟାନୁଷ୍ଠାନ କମିଟି ଦେଇଥିବା ଏହି ବନ୍ଦ ଡାକରା ଯୋଗୁଁ ସ୍ୱଭାବିକ ଜୀବନଯାତ୍ରା ପ୍ରଭାବିତ ହୋଇଛି । ବଡ ବଡ ବ୍ୟବସାୟିକ ପ୍ରତିଷ୍ଠାନ ସହ ରାଜ୍ୟ ଓ କେନ୍ଦ୍ର ସରକାରଙ୍କ ସମସ୍ତ କାର୍ଯ୍ୟାଳୟ ବନ୍ଦ ରହିଛି । ନାଗରିକ କମିଟିର ସଦସ୍ୟ ମାନେ ଜିଲା ଦୌରା ଜଜଙ୍କୁ କୋର୍ଟ କୁ ଛାଡି ନଥିଲେ । ସମ୍ବଲପୁରରେ ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା, ପଶ୍ଚିମ ଓଡିଶାକୁ ସ୍ୱତନ୍ତ୍ର ରାଜ୍ୟର ମାନ୍ୟତା, ସମ୍ବଲପୁରୀ ଭାଷାକୁ ସମ୍ବିଧାନର ଅଷ୍ଟମ ଅନୁଚ୍ଛେଦରେ ସ୍ଥାନ ଦେବା, ସମ୍ବଲପୁରରେ ଇଲେକଟ୍ରିକ ପ୍ରିପେଡ଼ ମିଟର ପ୍ରଚଳନ ଓ ପାଣି ମିଟର ଲଗାଇବା ବନ୍ଦ କରିବା ଆଦି ପାଞ୍ଚ ଦଫା ଦାବି ନେଇ ନାଗରିଜ କ୍ରିୟାନୁଷ୍ଠାନ କମିଟି ବନ୍ଦ ଡାକରା ଦେଇଛି । ବନ୍ଦକୁ ଦୃଷ୍ଟିରେ ରଖି ସହର ସାରା ପୁଲିସ ମୁତୟନ କରାଯାଇଛି । ଜିଲ୍ଲାର ପ୍ରାୟ ସମସ୍ତ ସଙ୍ଗଠନ ଏହି ବନ୍ଦ ରେ ସାମିଲ ହୋଇଥିଲେ ।
Comments are closed.