ମାଲକାନଗିରି: ମାଲକାନଗିରି ସଦର ବ୍ଲକ ସ୍ଥିତ ପେଡାକୋଣ୍ଡା ଅଞ୍ଚଳରୁ ଚୋରା ଚାଲାଣ ହେଉଥିବା ଧାନ ଯୋଗାଣ ବିଭାଗ ତରଫରୁ ଜବତ କରଯାଇଛି । ସୂଚନା ମୁତାବକ ମାଲକାନଗିରି ଯୋଗାଣ ନିରୀକ୍ଷକ ପ୍ରଭୁ ରଞ୍ଜନ ମହାନ୍ତି ପଦମଗିରି ଅଞ୍ଚଳ ଗସ୍ତ କରି ବିଭିନ୍ନ ଅଞ୍ଚଳ ତଦନ୍ତ କରିବା ସମୟରେ ଏକ ଗାଡି ଓ ଡି ୩୦ ଡି ୬୧୨୦ରେ ୯୦ ବସ୍ତା ବେଆଇନ ଧାନ ପେଡାକୋଣ୍ଡା ଆଡକୁ ଯାଉଥିଲା । ହଠାତ ଏହି ଗଡିଟିକୁ ଦେଖି ଅଟକାଇ ପଚରାଉଚରା କରିବା ପରେ ଏହି ଧାନ ଚାଲାଣ ହେଉଥିବା ଜାଣିବାକୁ ପାଇଥିଲେ । ଏମ.ଭି ୮୬ ଗ୍ରାମର ଅଜୟ ଆଡୋକ ନାମକ ବ୍ୟକ୍ତି ଏହି ଧାନ ଚାଷୀଙ୍କ ଘରରୁ କିଣି ନେଇ ଯାଉଥିବା ଜାଣିବାକୁ ପାଇଥିଲେ । ଧାନ ଚୋରା ଚାଲାଣ କରୁଥିବା ବ୍ୟକ୍ତିଙ୍କ ସହ ସମୁଦାୟ ୯୦ ବସ୍ତା ଧାନ ଜବତ କରାଯାଇଥିବା ଯୋଗାଣ ନିରୀକ୍ଷକ ପ୍ରଭୁ ରଞ୍ଜନ ମହାନ୍ତି ପ୍ରକାଶ କରିଛନ୍ତି ।
Comments are closed.