ସମ୍ବଲପୁର: ପୂଜା ଚାନ୍ଦା ପାଇଁ ବାଇକକୁ ପୋଡି ଦେଲେ ଦୁର୍ବୃତ୍ତ। ବିଭିନ୍ନ ପୂଜା ସମୟରେ ଜବରଦସ୍ତ ଲୋକଙ୍କ ଠାରୁ ଚାନ୍ଦା ମାଗିବା ବେଆଇନ ଅଟେ । ଏବେ ପୁଣି ଥରେ ସମ୍ବଲପୁର ଦୁର୍ଗାପାଲି ଠାରେ ଗଣେଶ ପୂଜା ପାଇଁ ଜବରଦସ୍ତ ଚାନ୍ଦା ମାଗିବାକୁ ବିରୋଧ କରିବାରୁ ପରିବାରର ୨ ଗୋଟି ଦୁଇ ଚକିଆ ଯାନକୁ କିଛି ଦୁର୍ବୃତ୍ତ ପୋଡ଼ି ଦେଇଥିବା ନେଇ ଅଭିଯୋଗ ହୋଇଛି। ଅନ୍ୟପକ୍ଷରେ ଏନେଇ ପୁଲିସରେ ଅଭିଯୋଗ ହେବା ସହ ଅଗ୍ନିଶମ ସେବା କେନ୍ଦ୍ର ପକ୍ଷରୁ ନିଆଁକୁ ଆୟତ୍ତ କରାଯାଇଛି।
ସୂଚନା ଅନୁସାରେ ସମ୍ବଲପୁର କ୍ଷେତରାଜପୁର ଥାନା ଅର୍ନ୍ତଗତ ଦୁର୍ଗାପାଲିରେ ଜୟନ୍ତ ମେହେର ନିଜ ପରିବାର ସହ ରହୁଥିବା ବେଳେ ଚାନ୍ଦା ମାଗିବାକୁ ନେଇ କିଛି ଜଣ ଗତ ରାତିରେ ଆସିଥିଲେ। ତେବେ ଚାନ୍ଦା ନଦେବା କାରଣରୁ ତାଙ୍କ ଘର ବାହାରେ ଥିବା ଏକ ହୋଣ୍ଡା ସାଇନ, ବ୍ୟାଟେରୀ ଗାଡି, ଛୋଟ ସାଇକେଲ, କିଛି ସିମେଣ୍ଟ ବସ୍ତାକୁ ଭୋର ସକାଳ ୪ଟା ସମୟର ପୋଡ଼ି ଦିଆ ଯାଇଥିବା ଜଣାପଡିଥିଲା। ତେବେ ଚାନ୍ଦା ମାଗିବାକୁ କେନ୍ଦ୍ର କରି ଜୟନ୍ତଙ୍କ ପରିବାର ବିରୋଧ କରିବାରୁ ଏହି ଘଟଣା ଘଟିଥିବା ସନ୍ଦେହ କରାଯାଇଛି। ଏନେଇ ଅଗ୍ନିଶମ ସେବାକେନ୍ଦ୍ର ପକ୍ଷରୁ ଘଟଣାସ୍ଥଳରେ ନିଆଁକୁ ଆୟତ୍ତ କରାଯାଇଛି। କ୍ଷେତରାଜପୁର ଥାନାରେ ଲିଖିତ ଅଭିଯୋଗ ମଧ୍ୟ କରାଯାଇଥିବା ସୂଚନା ମିଳିଛି।
ଦେଖନ୍ତୁ ଭିଡିଓ; ମେଳାରେ ଦେଖୁଥିଲେ ଯୁବତୀଙ୍କ ନୃତ୍ୟ, ହଠାତ୍ ଖସି ପଡିଲା ଟିଣ ଛାତ..
