ସମ୍ବଲପୁର: ସ୍ଥାନୀୟ ଶାସନ ଥାନା ସନ୍ନିକଟସ୍ଥ ଏକ ଗୋଦାମ ଘରୁ ଶୁକ୍ରବାର ବିଳମ୍ବିତ ରାତ୍ରିରେ ଚୋରି ହୋଇଛି। ଶାସନ ଥାନାରୁ ମାତ୍ର ୨ ଶହ ମିଟର ଦୂରରେ ଥିବା ଭଗବାନ ଅଗ୍ରୱାଲଙ୍କ ଗୋଦାମରୁ ଗତକାଲି ରାତିରେ ଜଣେ ଚୋର ଆସି ତାଲା ଭାଙ୍ଗି ସେଠାରେ ରଖାଯାଇଥିବା ବିଭିନ୍ନ ସାମଗ୍ରୀ ଓ ଟଙ୍କା ଚୋରି କରି ନେଇଛି। ଏ ନେଇ ଶାସନ ଥାନାରେ ଅଭିଯୋଗ ହେବାରୁ ପୁଲିସ ଏକ ମାମଲା ରୁଜୁ କରିଛି। ଏହି ଚୋରି ଘଟଣାଟି ସିସିଟିଭି କ୍ୟାମେରାରେ କଏଦ ହୋଇଛି। ଚୋର ରାତ୍ରି ଅଧରେ ଉଲଗ୍ନ ହୋଇ ମୁହଁରେ କପଡା ବାନ୍ଧି ବାହାରୁ ଘର ଓ ଦୋକାନର କବାଟ ଗୁଡିକୁ ବାହାରୁ ଶିକୁଳି ଦେଇ ବନ୍ଦ କରିବା ପରେ ଗୋଦାମ ଘରର ତାଲା ଭାଙ୍ଗି ଚୋରି କରିଛି। ଏଭଳି ଢ଼ଙ୍ଗରେ ପୁର୍ବରୁ ମଧ୍ୟ ଚୋରି ହୋଇଥିବା ବେଳେ ପୁଲିସ ଚୋରକୁ ଧରି ପାରି ନାହିଁ।
Comments are closed.