ନୂଆଦିଲ୍ଲୀ : ୟୁରୋପୀୟ ଏୟାରଲାଇନ୍ ରୟାନଏୟର ସାମାଜିକ ଗଣମାଧ୍ୟମରେ ଏକ ମଜାଦାର ପୋଷ୍ଟ କରିଛି ଯାହାକୁ ନେଇ ଚର୍ଚ୍ଚା ଜୋର ଧରିଛି । ଏୟାରଲାଇନ ନିକଟରେ ମେଟ ଗାଲାର ୨୦୨୪ ଥିମ ଉପରେ ଏକ ମଜାଳିଆ ପୋଷ୍ଟ ସେୟାର କରିଛି ଯାହା ଲୋକଙ୍କ ଧ୍ୟାନ ଆକର୍ଷଣ କରୁଛି । ଏୟାରଲାଇନ୍ ନିଜ ବିମାନର ଏକ ଭାଗରେ ଫୁଲ ଓ ପତ୍ର ଏବଂ ଗୋଲାପି ଲିପଷ୍ଟିକ୍ ଓଠ ପ୍ରସ୍ତୁତ କରି ଫଟୋ ସେୟାର କରିଛି । ଏହା ସହିତ କମ୍ପାନୀ କ୍ୟାପ୍ସନରେ ଲେଖିଛି ‘ଓ୍ବାର୍ଣ୍ଣ ଟୁ ସ୍ଲେ, ଫୋର୍ଷ୍ଡ ଟୁ ଫ୍ଲାଇ ।’
born to slay, forced to fly https://t.co/FikUjpw85Q pic.twitter.com/LgSF5DCkaK
— Ryanair (@Ryanair) April 16, 2024
ସେୟାର କରାଯିବା ପରଠୁ ଏହି ପୋଷ୍ଟକୁ ସାଢେ ୪ ଲକ୍ଷରୁ ଅଧିକ ଲାଇକ୍ ମିଳିସାରିଛି । ପୋଷ୍ଟରେ ସମସ୍ତେ ଭିନ୍ନ ଭିନ୍ନ ମଜାଦାର କମେଣ୍ଟ କରୁଛନ୍ତି ଏବଂ ସମସ୍ତେ ଏହାକୁ ପସନ୍ଦ କରୁଛନ୍ତି । କହିରଖୁଛୁ ପପ୍ କ୍ରେଭ୍ ଟ୍ବିଟ୍ କରି କହିଥିଲା କି ମେଟ୍ ଗାଲାକୁ ଆଉ ମାତ୍ର ୩ ସପ୍ତାହ ବାକି ରହିଲା । ଚଳିତ ବର୍ଷର ଥିମ୍ ହେଉଛି ‘ଦ ଗାର୍ଡେନ୍ ଅଫ୍ ଟାଇମ୍ ।’ ଏହାକୁ ମଜାଳିଆ ଢଙ୍ଗରେ ପ୍ରସ୍ତୁତ କରିଛି ରୟାନଏୟାର ।
‘ତୁମେ ଏତେ ବି ସରଳ ନୁହଁ…’ ପତଞ୍ଜଳି ବିଜ୍ଞାପନ ମାମଲାରେ ବାବା ରାମଦେବଙ୍କୁ କହିଲେ ସୁପ୍ରିମକୋର୍ଟ
ଏହା ପୂର୍ବରୁ ରୟାନଏୟରରେ ଯାତ୍ରା କରୁଥିବା ଜଣେ ମହିଳା ଝରକା ପାଖ ସିଟ୍ ପାଇଁ ଅତିରିକ୍ତ ପଇସା ଖର୍ଚ୍ଚ କରିଥିଲେ କିନ୍ତୁ ଦୁର୍ଭାଗ୍ୟ ବଶତଃ ତାଙ୍କ ସିଟ୍ ପାଖରେ ଝରକା ନଥିଲା । ଏନେଇ ସେ ଟ୍ବିଟ୍ କରି ଏୟାରଲାଇନକୁ ଜଣାଇଥିଲେ । କିନ୍ତୁ ତାଙ୍କୁ ଜବାବ ଦେଇ ଏୟାରଲାଇନ୍ ଟ୍ବିଟ୍ କରି ମଜାଳିଆ ଢଙ୍ଗରେ କହିଥିଲା କି ‘ଜରୁରିକାଳୀନ ଝରକା ପାଖରେ ସିଟ୍ ମିଳିଥିଲା । ଜରୁରିକାଳୀନ ହେଲେ ମଧ୍ୟ ତାହା ଏକ ଝରକା । ତେଣୁ ମହିଳାଙ୍କୁ ଇଚ୍ଛା ଅନୁସାରେ ଆମେ ସିଟ୍ ଯୋଗାଇଛୁ ।’
