ନୂଆଦିଲ୍ଲୀ : ଘରୋଇ ସୋଲାର ପ୍ୟାନେଲ ନିର୍ମାଣକୁ ପ୍ରୋତ୍ସାହନ ଦେବା ନିମନ୍ତେ କେନ୍ଦ୍ର ସରକାରଙ୍କ ପକ୍ଷରୁ ସୋଲାର ପ୍ୟାନେଲ ଆମଦାନୀ ଉପରେ ପୁଣିଥରେ କଟକଣା ଲାଗୁ କରାଯାଇଛି। ତେବେ ଆବଶ୍ୟକତା ଅନୁଯାୟୀ ଘରୋଇ ନିର୍ମାଣ ଯଥେଷ୍ଟ ହେଉ ନ ଥିବାରୁ ଗତ ମାର୍ଚ୍ଚ ୩୧ ପର୍ଯ୍ୟନ୍ତ ସୋଲାର ପ୍ୟାନେଲ ଆମଦାନିକୁ ଅନୁମତି ଦିଆଯାଇଥିଲା। ସରକାରୀ ଅଧିକାରୀଙ୍କ କହିବା ଅନୁଯାୟୀ ବର୍ତ୍ତମାନ ଘରୋଇ ଉତ୍ପାଦନ ବୃଦ୍ଧି ପାଇବା ସହ ଏହା ଚାହିଦା ପୂରଣ କରିବାକୁ ସମର୍ଥ। ତେଣୁ ଆମଦାନୀ କ୍ଷେତ୍ରରେ ଏହି କଟକଣା ଲାଗୁ କରାଯାଇଛି। ୨୦୨୧ରେ ଘରୋଇ ନିର୍ମାଣକୁ ପ୍ରୋତ୍ସାହନ ଦେବା ନିମନ୍ତେ ସୋଲାର ପ୍ୟାନେଲ କିଣିବା ପାଇଁ ଏକ ଅନୁମତିପ୍ରାପ୍ତ ତାଲିକା ପ୍ରସ୍ତୁତ କରାଯାଇଥିଲା। ତେବେ ବର୍ତ୍ତମାନ ପର୍ଯ୍ୟାପ୍ତ ସୋଲାର ପ୍ୟାନେଲ ନିର୍ମାଣ କରାଯାଉଥିବାରୁ ଏପ୍ରିଲ ୧ରୁ ସୋଲାର ପ୍ୟାନେଇ ଆମଦାନୀ ଉପରେ କଟକଣା ଲଗାଯାଇଛି। ୨୦୨୩ ଡିସେମ୍ବର ସୁଦ୍ଧା ଭାରତରେ ୬୪.୫ ଗିଗାୱାଟ୍ର ସୋଲାର ପ୍ୟାନେଲ ଓ ୫.୮ ଗିଗାୱାଟ୍ର ସୋଲାର ସେଲ୍ ନିର୍ମାଣ ଲକ୍ଷ୍ୟ ହାସଲ ହୋଇଥିଲା। ୨୦୨୬ ସୁଦ୍ଧା ଭାରତର ଘରୋଇ ସୋଲାର ପ୍ୟାନେଲ ନିର୍ମାଣ ୧୫୦ ଗିଗାୱାଟ୍ ଓ ସୋଲାର ସେଲ୍ ନିର୍ମାଣ ୭୫ ଗିଗାୱାଟ୍ ଅତିକ୍ରମ କରିବ ବୋଲି ଲକ୍ଷ୍ୟ ରଖାଯାଇଛି।
Comments are closed.