ରେଙ୍ଗାଲିକେମ୍ପ : ରାଜ୍ୟ ସମବାୟ ବ୍ୟାଙ୍କ୍,ଭୁବନେଶ୍ୱର ଠାରେ ଅନୁଷ୍ଠିତ ୬୮ ତମ ନିଖିଳ ଭାରତ ସମବାୟ ସପ୍ତାହ ପାଳନ ଅବସରରେ ବରଗଡ଼ ଜିଲ୍ଲା ଅତାବିରା ଦୁଗ୍ଧ ସଂଗ୍ରହ କେନ୍ଦ୍ର କୁ ସମ୍ବର୍ଦ୍ଧନା ଦିଆଯାଇଛି। ଏହି ଦୁଗ୍ଧ ସଂଗ୍ରହ କେନ୍ଦ୍ର ଦୀର୍ଘ ଦିନ ଧରି ତାର କାର୍ଯ୍ୟ ସମ୍ପାଦନାରେ ଅଗ୍ରଣୀ ଭୂମିକା ଗ୍ରହଣ କରିବା ସହ ଉନ୍ନତ ମାନର ଓ ଅଧିକ ପରିମାଣର ଦୁଗ୍ଧ ସଂଗ୍ରହ ,ଲାଭାଂଶ ବଣ୍ଟନ,ଗୋ ଖାଦ୍ୟ ଯୋଗାଣ କରି ରାଜ୍ୟରେ ପ୍ରଥମ ସ୍ଥାନ ରେ ରହି ଆସିଥିଲା। ଏହି କାର୍ଯ୍ୟକ୍ରମରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ଶ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ଓଡ଼ିଶା ରାଜ୍ୟ ସମବାୟ ସମିତିର ରେଜିଷ୍ଟ।ର ଆଇ ଏ ଏସ ଶ୍ରୀ ସୁଶାନ୍ତ କୁମାର ବାରିକ୍,ଓଡ଼ିଶା ରାଜ୍ୟ ସମବାୟ ସମିତି ର ପ୍ରଶାସକ ଶ୍ରୀମତୀ ଗାୟତ୍ରୀ ପଟ୍ଟନାୟକ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ। ଅତାବିରା ଦୁଗ୍ଧ ଉତ୍ପାଦକ ସମବାୟ ସମିତିର ସଂପାଦକ ରବିନ୍ଦ୍ର ପ୍ରଧାନ ସ୍ଵତନ୍ତ୍ର ଭାବେ ନିମନ୍ତ୍ରିତ ହୋଇ ଏହି ପୁରସ୍କାର ଗ୍ରହଣ କରିଥିଲେ। ଏହି ସମବାୟ କେନ୍ଦ୍ରର ପୂର୍ବତନ ସଭାପତି ଦୟାନିଧି ପ୍ରଧାନ ମଧ୍ୟ ସମ୍ବର୍ଦ୍ଧନା ଗ୍ରହଣ ସମୟରେ ଉପସ୍ଥିତ ଥିଲେ ।
Popular Categories
Previous article
Next article