ରେଙ୍ଗାଲିକ୍ୟାମ୍ପ: ପ୍ରାତଃ ଭ୍ରମଣ ବେଳେ ବୁଲେଟ ଧକ୍କାରେ ଏସଡିଓ ଗୁରୁତର ହୋଇଛନ୍ତି। ଅତାବିରା ଥାନା ଅନ୍ତର୍ଗତ ୫୩ ନଂମୁଖ୍ୟ ଜାତୀୟ ରାଜପଥ ଲାଦର ପାଲି ରାମଚଣ୍ଡୀ ମନ୍ଦିର ନିକଟ ରାମଚଣ୍ଡୀ କମ୍ପ୍ଲେକ୍ସ ସମ୍ମୁଖରେ ଥୁଆପାଲି ବିଦ୍ୟୁତ୍ ବିଭାଗର କାର୍ଯ୍ୟରତ ସେକ୍ସନ ଅଧିକାରୀ ପବିତ୍ର ପାଢ଼ୀ (୪୫) ପ୍ରାତଃ ଭ୍ରମଣରେ ଯାଇ ରେଙ୍ଗାଲିକ୍ୟାମ୍ପରୁ ଅତାବିରାକୁ ଫେରୁଥିବା ସମୟରେ ପଛ ପଟୁ ଏକ ବୁଲେଟ ଜୋରରେ ଧକ୍କା ଦେବା ଫଳରେ ଛିଟିକି ପଡ଼ିଥିଲେ। ଏହି ସମୟରେ ଯିବା ଆସିବା ତଥା ସ୍ଥାନୀୟ ଲୋକେ ଦଉଡ଼ି ଯାଇ ଉକ୍ତ ରକ୍ତାକ୍ତ ଅବସ୍ଥାରେ ପଡି ରହିଥିବା ବ୍ୟକ୍ତିଙ୍କୁ ୧୦୮ ଆମ୍ବୁଲାନ୍ସ ମାଧ୍ୟମରେ ଡାକ୍ତରଖାନାକୁ ପଠାଇବା ସହ ପୁଲିସକୁ ଖବର ଦେଇଥିଲେ। ଏନେଇ ପୁଲିସ ପହଞ୍ଚି ପ୍ରାଥମିକ ଚିକିତ୍ସା କରାଇବା ପାଇଁ ପଠାଇଥିଲେ। ସେଠାରେ ପରିବାର ଲୋକେ ତାଙ୍କର ଗୁରୁତର ଅବସ୍ଥା ଦେଖି ବରଗଡ଼ ଘରୋଇ ଚିକିତ୍ସାଳୟକୁ ନେଇଥିବା ବେଳେ ପୁଲିସ ଅଧିକରୁ ଅଧିକ ତଦନ୍ତ ଜାରି ରଖିଥିବା ଜଣାପଡ଼ିଛି।
ଭୋଜି ଖାଇବୁ ମାନେ ଖାଇବୁ.. ଦେଖନ୍ତୁ ଭିଡିଓ; ବିବାହ ଭୋଜି ବେଳେ ହଠାତ୍ ବର୍ଷା ହେବା ପରେ ଲୋକେ କଲେ ଏମିତି..
