ରେଙ୍ଗାଲିକ୍ୟାମ୍ପ: ସରକାରଙ୍କ ଉନ୍ନତି ପଛର ନଗ୍ନ ଚିତ୍ର । ସଫଳତା ପଛର ବଡ଼ ବଫଳତା । ବର୍ଷା ପାଣିରେ ଉବୁଟୁବୁ ହେଉଛି ବରଗଡ଼ ଜିଲ୍ଲା ଅତାବିରା ବ୍ଲକରେ ଥିବା ଲରମ୍ଭା ଉଚ୍ଚ ବିଦ୍ୟାଳୟ । ଏହି ବିଦ୍ୟାଳୟ ୧୯୩୮ ମସିହାରେ ହୋଇଥିବା ବେଳେ ଏଠାରେ ଷଷ୍ଠରୁ ଦଶମ ଶ୍ରେଣୀ ପର୍ଯ୍ୟନ୍ତ ୫୧୦ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ହେଲେ ଅସରାଏ ବର୍ଷା ହେଲେ ସ୍ଥିତି ନକହିବା ଭଲ । କାରଣ ଅଶରାଏ ବର୍ଷାରେ ଭାସୁଛି ସ୍ମାର୍ଟ ସ୍କୁଲ । ପାଠ ପଢ଼ିବା ପାଇଁ ପିଲାଙ୍କୁ ଆସିବାକୁ ପଡ଼ୁଛି ଆଣ୍ଠୁଏ ଆଣ୍ଠୁଏ ପାଣିରେ ।
ପିଲାମାନେ ଏହି ପାଣି ଭିତରେ ପଶି ବିଦ୍ୟାଳୟକୁ ଆସୁଛନ୍ତି । ବର୍ଷା ପାଣି ଜମି ରହିଥିବାରୁ ପାଠ ପଢ଼ାରେ ମଧ୍ୟ ବାଧା ଉପୁଜୁଛି । ଖାଲି ସେତିକି ନୁହେଁ ବିଷାକ୍ତ ସାପ ମଧ୍ୟ ସ୍କୁଲ ଭିତରକୁ ପଶି ଆସୁଛନ୍ତି । ଗତକାଲି ଗୋଟିଏ ଦିନରେ ସ୍କୁଲରେ ୫ଟି ବିଷଧର ସାପକୁ ମରାଯାଇଛି । ସେପଟେ ମଧ୍ୟହ୍ନ ଭୋଜନ ପାଇଁ ଏହି ୫ଟି ସ୍କୁଲରେ ଘର ନାହିଁ । ବାହାରେ ରୋଷେଇ ହେଉଥିବା ବେଳେ ବର୍ଷା ହେଲେ ବସି ଖାଇବାକୁ ମଧ୍ୟ ଯାଗା ପାଉନାହାନ୍ତି ଛାତ୍ରଛାତ୍ରୀ ।
ଏଠାରେ ପାଠ ପଢ଼ି ଏହି ସ୍କୁଲର ପିଲା ନେତା,ଅଭିନେତା ,ଡାକ୍ତର ଓ ଇଞ୍ଜିନିୟର ହୋଇଛନ୍ତି । ଆଉ ସରକାରଙ୍କ ପକ୍ଷରୁ ସ୍ମାର୍ଟ ସ୍କୁଲର ସାର୍ଟିଫିକେଟ୍ ମିଳିଛି । ହେଲେ ବାସ୍ତବରେ ସରକାରଙ୍କ ଏହି ସ୍ମାର୍ଟ ସ୍କୁଲ କେତେ ଯେ ସ୍ମାର୍ଟ ତାହା ଲୋକଙ୍କ ନଜରକୁ ଆସିଛି । ଯଦି ସରକାର ଏଥି ପ୍ରତି ଧ୍ୟାନ ଦିଅନ୍ତେ ତେବେ ଏହି ସ୍କୁଲର ଥିବା ସମସ୍ତ ସମସ୍ୟା ଦୂର ହୋଇପାରନ୍ତା । ଆଉ ଛାତ୍ରଛାତ୍ରୀ ମାନେ ଉପକୃତ ହୋଇପାରନ୍ତେ ।
