ରେଙ୍ଗାଲି: ସମ୍ବଲପୁର ଜିଲ୍ଲା ଲଇଡା ଗ୍ରାମର ଆଦର୍ଶ ପୁଷ୍କରିଣୀ ଏକ ପଡ଼ିଆରେ ପରିଣତ ହୋଇଛି । ତ୍ରୁଟିପୂର୍ଣ୍ଣ ଯୋଜନା ଏବଂ କାର୍ଯ୍ୟର ସଠିକ୍ ରୂପାୟନର ଅଭାବ ଯୋଗୁ ଉକ୍ତ ଆଦର୍ଶ ପୁଷ୍କରିଣୀ ଦୀର୍ଘ ବର୍ଷ ହେଲା ଅନାବନା ଘାସ ଏବଂ ବିଭିନ୍ନ ପ୍ରକାର ଗଛ ବୁଦାରେ ପରିପୂର୍ଣ୍ଣ ହୋଇ ଅପନ୍ତରା ଅବସ୍ଥାରେ ଅରମା ପଡିଆରେ ପରିଣତ ହୋଇଥିବା ଦେଖିବାକୁ ମିଳିଛି । ଏହି ପୁଷ୍କରିଣୀରେ ଗ୍ରୀଷ୍ମ ଋତୁରେ ପାଣି ରହିବା ତ ବହୁତ ଦୂରର କଥା ବର୍ଷା ଋତୁରେ ମଧ୍ୟ ବ୍ୟବହାର ଉପେଯାଗୀ ପାଣି ରହୁ ନାହିଁ । ଲକ୍ଷାଧିକ ଟଙ୍କା ବ୍ୟୟରେ ତିଆରି ହୋଇଥିବା ଏହି ଆଦର୍ଶ ପୁଷ୍କରିଣୀ ଯେଉଁ ଲକ୍ଷ୍ୟ ଏବଂ ଉଦ୍ଦେଶ୍ୟରେ ନିର୍ମାଣ ହୋଇଥିଲା ଉକ୍ତ ଲକ୍ଷ୍ୟ ପୂରଣରେ ସମ୍ପୂର୍ଣ୍ଣ ବିଫଳ ହୋଇଥିବା ବେଳେ ସରକାରୀ ଅନୁଦାନ ମଧ୍ୟ ଅଯଥାରେ ଅପଚୟ ହେଲା ବୋଲି ଜନସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି । କୌଣସି ସରକାରୀ ଯୋଜନାରେ ଅପନ୍ତରା ଏବଂ ବିପର୍ଯ୍ୟସ୍ତ ଅବସ୍ଥାରେ ପଡିଥିବା ଏହି ପୁଷ୍କରିଣୀର ଜଳଧାରଣ କ୍ଷମତା ରହିବା ଭଳି ପୁନଃରୁଦ୍ଧାର କରାଗଲେ ଜନସାଧାରଣ ଉପକୃତ ହୋଇ ପାରନ୍ତେ ବୋଲି ମତ ପ୍ରକାଶ ପାଉଛି ।
Popular Categories
Previous article
Next article