ପୁରୀ: ଆଜି ଖୋଲାଯିବ ଶ୍ରୀଜଗନ୍ନାଥ ମନ୍ଦିର ଭିତର ରତ୍ନଭଣ୍ଡାର। ଏଥିପାଇଁ ଅନୁମତି ଦେଇଛନ୍ତି ରାଜ୍ୟ ସରକାର । ତେବେ ରତ୍ନଭଣ୍ଡାର ଚାବି ସମ୍ପର୍କରେ ପୁରୀ ଜିଲ୍ଲାପାଳ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଟ୍ରେଜେରୀରେ ମହଜୁଦ ଚାବି ଅଧୀକୃତ ଅଧିକାରୀଙ୍କୁ ଦିଆଯାଇଛି। ରତ୍ନଭଣ୍ଡାର ଖୋଲିବାବେଳେ ଅଧିକୃତ କମିଟି ସାମ୍ନାରେ ଚାବି ରଖାଯିବ। ସେପଟେ ରତ୍ନଭଣ୍ଡାର ଖୋଳିବା ପୂର୍ବରୁ ଆଜି ତଦାରଖ କମିଟି ବୈଠକ ଅନୁଷ୍ଠିତ ହୋଇଛି। ରତ୍ନଭଣ୍ଡାର ଖୋଲିବା ପାଇଁ ଦିନ ୧ଟା ୨୮ରେ ଶୁଭ ମୁହୁର୍ତ୍ତ ରହିଥିବା ଅଧ୍ୟକ୍ଷ ଜଷ୍ଟିସ୍ ରଥ ସୂଚନା ଦେଇଛନ୍ତି। ୧ଟା ୨୮ ସୁଦ୍ଧା ତାଲା ଖୋଲିବା ପ୍ରକ୍ରିୟା ଆରମ୍ଭ ହେବ। ମୁଖ୍ୟ ପ୍ରଶାସକ ଟ୍ରେଜେରୀରୁ ଚାବି ମଗାଇଛନ୍ତି। ରତ୍ନଭଣ୍ଡାର ଭିତରକୁ ମୋଟ୍ ୧୧ଜଣ ସଦସ୍ୟ ଯିବେ। ତଦାରଖ କମିଟିର ଦୁଇ ଜଣ ସଦସ୍ୟ ଯିବେ। ଅଧ୍ୟକ୍ଷ ଏବଂ ଡାକ୍ତର ସିବିକେ ମହାନ୍ତି ରତ୍ନଭଣ୍ଡାର ଭିତରକୁ ଯିବେ। ମୁଖ୍ୟ ପ୍ରଶାସକ , ଜିଲ୍ଲାପାଳ, ଦେଉଳକରଣ, ଭଣ୍ଡାର ମେକାପ ଯିବେ। ଏହି ସମୟରେ ମନ୍ଦିର ନ ଆସିବାକୁ ଶ୍ରଦ୍ଧାଳୁଙ୍କୁ ଅପିଲ କରାଯାଇଛି।
Popular Categories
Previous article
Next article