ବରଗଡ : ବରଗଡ ଜିଲା ସୋହଲା ଥାନା ଅନ୍ତର୍ଗତ ଜଣେ ନାବାଳିକା ଛାତ୍ରୀଙ୍କୁ ଅପହରଣ ଓ ବଳତ୍କାର ହୋଇଥିବା ଅଭିଯୋଗରେ ସୋହେଲା ଥାନା ଏଏସଆଇ ଓ ଅନ୍ୟ ଜଣେ ଯୁବକଙ୍କୁ ଚାକିରିରୁ ଏସପି ନିଲମ୍ବିତ କରିଥିବା ଜଣାପଡିଛି। ନାବାଳିକା ଛାତ୍ରୀଙ୍କୁ ଅପହରଣ ଓ ବଳତ୍କାର ହୋଇଥିବା ଅଭିଯୋଗରେ ପିଡୀତାଙ୍କ ବାପା ରବିବାର ଥାନାରେ ଏକ ଅଭିଯୋଗ କରିଥିଲେ। ଏହି ଅଭିଯୋଗକୁ ଭିତ୍ତି କରି ପୁଲିସ ତଦନ୍ତ ଚଳାଇଥିଲା।
ସୂଚନାଯୋଗ୍ୟ, ଗତ ୮ତାରିଖ ସକାଳ ସାଢେ ୬ଟାରେ ପୀଡିତା ଜଣଙ୍କ ନାବାଳିକା ଟ୍ୟୁସନ୍କୁ ଯାଇଥିବା ବେଳେ ଆଉ ଘରକୁ ଫେରି ନଥିଲେ । ଏନେଇ ପରିବାର ଲୋକ ମେଲଛାମୁଣ୍ଡା ଥାନାରେ ଅଭିଯୋଗ କରିବା ପରେ ରବିବାର ରାତି ପ୍ରାୟ ୮ଟାରେ ପୁଲିସ ନିଖୋଜ ନାବାଳିକାକୁ ସୋହେଲାରୁ ଉଦ୍ଧାର କରି ପରିବାର ଲୋକଙ୍କ ଜିମା ଦେଇଥିଲା। ମେଲଛାମୁଣ୍ଡା ଗ୍ରାମର ରିକୁ ନାଗ ନାମକ ଜଣେ ଯୁବକ ତାଙ୍କୁ ଏକ ବାଇକରେ ସୋହେଲା ନେଇଥିଲେ । ରିକୁ ସୋହେଲା ଥାନା ଏଏସ୍ଆଇ ବନମାଳୀ କୁଅଁରଙ୍କ ଠାରୁ ତାଙ୍କ ଭଡ଼ା ଘରର ଚାବି ଆଣିବା ପରେ ସେଠାରେ ତାଙ୍କୁ ଦୁଷ୍କର୍ମ କରିଥିଲେ । ପରେ ପୀଡିତାଙ୍କୁ ତାଲା ମାରି ରିକୁ ସେଠାରୁ ଫେରାର ହୋଇ ଯାଇଥିଲେ । ଏହାପରେ ଏଏସ୍ଆଇ ଶ୍ରୀ କୁଅଁର ସଂଧ୍ୟାରେ ଆସି ଦୁଷ୍କର୍ମ ଉଦ୍ୟମ କରିଥିଲେ ବୋଲି ପୀଡିତା ବୟାନ ଦେଇଛନ୍ତି ।
