ରାମଗିରି : ଗଜପତି ଜିଲା ରାମଗିରି ଥାନା ଅନ୍ତର୍ଗତ ରାୟଗଡ ବ୍ଳକ ମଣ୍ଡଳସାହି ନିକଟସ୍ଥ ରାଇକା ସାହି ଗ୍ରାମ ନିକଟରେ ଆଜି ସଂନ୍ଧ୍ୟା ସମୟରେ ମର୍ମାନ୍ତୁକ ସଡ଼କ ଦୁର୍ଘଟଣା ଘଟିଛି । ଏକ ସହ ସ୍କୋରପିଓ ମୁହାଁମୁହିଁ ଧକ୍କା ହେବା ଫଳରେ ବାଇକ ଚାଳକ ଗୁରୁତର ଭାବେ ଆହାତ ହୋଇଛନ୍ତି। ଆହତ ବ୍ୟକ୍ତି ଜଣକ ହେଲେ ଜିରାଙ୍ଗ ପଞ୍ଚାୟତର ରଙ୍ଗପଥର ଗ୍ରାମର ଢେମା ଶବର (୪୧) । ସ୍ଥାନୀୟ ଲୋକେ ଆହତ ଢେମାଙ୍କୁ ପ୍ରଥମେ ରାମଗିରି ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥାଇ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରିଛନ୍ତି ଡ଼ାକ୍ତର ସାଗର କୁମାର ନାୟକ।
ଆଜି ଢେମା ଶବର ରାମଗିରି ପଟୁ ନିଜ ଗାଁକୁ ହିରୋ ଏଚ ଏଫ ଡିଲକ୍ସ (ଓଡି୨୦ଏ ୬୨୬୧)ବାଇକ ଯୋଗେ ଯାଉଥିଲେ । ତେବେ ମଣ୍ଡଳସାହି ନିକଟସ୍ଥ ରାଇକା ସାହି ଗ୍ରାମ ନିକଟରେ ବିପରୀତ ଦିଗକୁ ଆସୁଥିବା ଏକ ସ୍କୋରପିଓ (ଓଡି୦୭ଏନ ୨୫୨୯) ସହ ମୁହାଁମୁହିଁ ଧକ୍କା ହୋଇଥିଲା। ତେବେ ସ୍ଥାନୀୟ ଲୋକେ ରାମଗିରି ଥାନାକୁ ଖବର ଦେବା ପରେ ଥାନାଧିକାରୀ ଲୋକନାଥ ବେହେରା ସଦଳବଳେ ଘଟଣା ସ୍ଥଳରେ ପହଞ୍ଚି ଆହାତଙ୍କୁ ୧୦୮ ଆମ୍ବୁଲାନ୍ସ ଯୋଗେ ରାମଗିରି ମେଡିକାଲ କୁ ଆଣିଥିଲେ। ଅପରପକ୍ଷରେ ଦୁଇ ଗାଡ଼ିକୁ ଜବତ କରି ତଦନ୍ତ ଚଳାଇଛି ରାମଗିରି ପୁଲିସ।
Comments are closed.