ନୂଆଦିଲ୍ଲୀ: ଭାରତର ପ୍ରଥମ ବୁଲେଟ୍ ଟ୍ରେନ୍ ପାଇଁ ତିଆରି ହେଉଥିବା ସ୍ବତନ୍ତ୍ର ଟ୍ରାକ୍ର ପ୍ରଥମ ଝଲକ୍ ଦେଖାଇଛନ୍ତି ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ। ନିଜ ଏକ୍ସ ହ୍ୟାଣ୍ଡେଲରେ ସେ ଏ ସମ୍ପର୍କିତ ଏକ ଭିଡିଓ ପୋଷ୍ଟ କରିଛନ୍ତି। ଏଥିରେ ଦେଶର ପ୍ରଥମ ବାଲାଷ୍ଟଲେସ୍ ଟ୍ରାକର ବୈଶିଷ୍ଟ୍ୟଗୁଡିକ ବିଷୟରେ କୁହାଯାଇଛି। ଗୁଜରାଟ-ମୁମ୍ବଇ ମଧ୍ୟରେ ନିର୍ମାଣ କରାଯାଉଥିବା ଏହି ଟ୍ରାକ୍ ବିଷୟରେ ଭିଡିଓରେ ବିସ୍ତୃତ ସୂଚନା ଦିଆଯାଇଛି। ଏଥିସହ ଆନିମେଶନ ଜରିଆରେ ଏହି ଟ୍ରାକ୍ରେ ବୁଲେଟ୍ ଟ୍ରେନ୍ ଚାଲୁଥିବା ଦୃଶ୍ୟ ମଧ୍ୟ ସାମିଲ କରାଯାଇଛି।
ଅଶ୍ୱିନୀ ବୈଷ୍ଣବ କହିଛନ୍ତି ଯେ, ‘ମେକ୍ ଇନ୍ ଇଣ୍ଡିଆ’ ଅଧୀନରେ ନିର୍ମିତ ଏହି ଟ୍ରାକ୍ଗୁଡିକ ବାଲାଷ୍ଟଲେସ୍, ଅର୍ଥାତ୍ ହାଇ ସ୍ପିଡ୍ ଟ୍ରେନର ଓଜନ ବହନ କରିବାକୁ ଟ୍ରାକରେ ପଥର ଓ କଂକ୍ରିଟ୍ ଏଙ୍ଗଲ ଆଦି ଆବଶ୍ୟକ ପଡ଼େନାହିଁ। ସେ କହିଛନ୍ତି, ଏହି ଧାରଣାରେ ଟ୍ରେନ୍ର ଘଣ୍ଟା ପ୍ରତି ବେଗ ୩୨୦ କିମି ରହିବ।
Bharat’s first ballastless track for #BulletTrain !
✅320 kmph speed threshold
✅153 km of viaduct completed
✅295.5 km of pier work completedMore to come in Modi 3.0 pic.twitter.com/YV6vP4tbXS
— Ashwini Vaishnaw (मोदी का परिवार) (@AshwiniVaishnaw) March 28, 2024
ଭିଡିଓ ଦର୍ଶାଯାଇଛି ଯେ, ଏହି ସ୍ବତନ୍ତ୍ର ଟ୍ରାକ୍ରେ ସିଷ୍ଟମ୍- ଜେ-ସ୍ଲାବ୍ ବାଲାଷ୍ଟଲେସ୍ ଟ୍ରାକ୍ ସିଷ୍ଟମ୍ ବ୍ୟବହାର କରାଯାଉଛି। ଏହି ଟ୍ରାକ୍ ସିଷ୍ଟମରେ ମୁଖ୍ୟତଃ ଚାରୋଟି ଭାଗ ଅଛି। ଭିଡିଓରେ କୁହାଯାଇଛି ଯେ, ଦେଶର ଦୁଇଟି ସ୍ଥାନରେ ପ୍ରି-କାଷ୍ଟ ଆରସି ଟ୍ରାକ ସ୍ଲାବ ପ୍ରସ୍ତୁତ କରାଯାଉଛି। ନିର୍ମାଣ କାର୍ଯ୍ୟ ଦ୍ରୁତ ଗତିରେ ଚାଲିଛି।
