ମୁମ୍ବଇ, : ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମ୍ର ଭଉଣୀ ହାସିନ ପାରକରଙ୍କ ଘରେ ମଙ୍ଗଳବାର ପ୍ରବର୍ତ୍ତନ ନିର୍ଦେଶାଳୟ (ଇଡି) ଚଢଉ କରିଛି। ଇଡି ଅଧିକାରୀଙ୍କ କହିବା ଅନୁଯାୟୀ ଦାଉଦ ବିରୋଧରେ ଚାଲିଥିବା ବେଆଇନ ଅର୍ଥ କାରବାର ମାମଲାର ତଦନ୍ତ କ୍ରମରେ ହାସିନାଙ୍କ ବାସଭବନ ସମେତ ୧୦ଟି ସ୍ଥାନରେ ଚଢଉ କରାଯାଇଛି। ଦାଉଦର ବେଆଇନ ସମ୍ପତ୍ତି ଓ ହାୱଲା ମାଧ୍ୟମରେ ଅର୍ଥ କାରବାର କାର୍ଯ୍ୟରେ ଭଉଣୀ ହାସିନା ସମ୍ପୃକ୍ତ ଥିବା ଅଭିଯୋଗ ହୋଇଛି। ଦାଉଦ ବିରୋଧରେ ବେଆଇନ ଅର୍ଥ କାରବାର ମାମଲାର ଚଢଉ ବେଳେ ଇଡି ମୁମ୍ବଇରୁ ଜଣେ ବ୍ୟକ୍ତିଙ୍କୁ ଗିରଫ କରିଛି। ୧୯୯୩ ମୁମ୍ବଇ ବିସ୍ଫୋରଣର ମାଷ୍ଟରମାଇଣ୍ଡ ଦାଉଦ ବିରୋଧରେ ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) ନିକଟରେ ରୁଜୁ କରିଥିବା ଏକ ମାମଲାକୁ ଆଧାର କରି ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ବେଆଇନ ଅର୍ଥ କାରବାର ନିରୋଧୀ ଏଜେନ୍ସି ଇଡି ଦାଉଦର ଚାନ୍ଦା ଆଦାୟ, ବେଆଇନ ସମ୍ପତ୍ତି ଜମା ଓ ଅନ୍ୟାନ୍ୟ ସମ୍ପତ୍ତି କାରବାର ଉପରେ ତଦନ୍ତ କରୁଛି।
Popular Categories
Previous article
Next article