କେରଳ : କେରଳର ତ୍ରିଶୁରଠାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ମତ୍ସ୍ୟଜୀବୀମାନଙ୍କ ସମ୍ମିଳନୀକୁ ସମ୍ବୋଧିତ କରିଛନ୍ତି। ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କରି ରାହୁଲ ଗାନ୍ଧୀ କହିଛନ୍ତି, କଂଗ୍ରେସ ସରକାରକୁ ଆସିଲେ ମସ୍ୟଜୀବୀମାନଙ୍କ ସମସ୍ୟାର ତ୍ୱରିତ ସମାଧାନ ପାଇଁ ସ୍ୱତନ୍ତ୍ର ବିଭାଗ କାର୍ଯ୍ୟକରିବ। ସେ ଆହୁରି ମଧ୍ୟ କହିଛନ୍ତି, ମସ୍ୟଜୀବୀମାନଙ୍କ ବିକାଶ ପାଇଁ ଜାତୀୟ ସ୍ତରରେ ୩୩% ସଂରକ୍ଷଣ ପ୍ରଦାନ କରାଯିବ। ମସ୍ୟଜୀବୀମାନଙ୍କର ବହୁ ସମସ୍ୟା ରହିଥିବା ରାହୁଲ କହିବା ସହିତ, ମୋଦୀ ସରକାର କ’ଣ ସେମାନଙ୍କ ସମସ୍ୟା ଜାଣିନାହାନ୍ତି ବୋଲି କଟାକ୍ଷ କରିଛନ୍ତି। ଏକ ମଜବୁତ ସରକାର ହିଁ ଆସିଲେ ମସ୍ୟଜୀବୀମାନଙ୍କର ସମସ୍ୟା ଦୂର କରିପାରିବ ବୋଲି ରାହୁଲ କହିଛନ୍ତି। ଏହି ଅବସରରେ ରାହୁଲ ଗାନ୍ଧୀ ପୁଣି ଥରେ ନିଶ୍ଚିତ ଆୟ ଯୋଜନା ପ୍ରସଙ୍ଗ ଉଠାଇ କହିଛନ୍ତି, ଯଦି ୨୦୧୯ରେ କଂଗ୍ରେସ କ୍ଷମତାକୁ ଆସେ ତେବେ ଏହି ଯୋଜନା କାର୍ଯ୍ୟକାରୀ ହେବ।
