ପୁରୀ: ମାଟିରେ ମିଶିବାକୁ ଯାଉଛି ଐତିହ୍ୟ ସହର ପୁରୀ ସ୍ଥିତ ବିଶ୍ଵକବି ରବୀନ୍ଦ୍ରନାଥ ଠାକୁରଙ୍କ ଏକମାତ୍ର ସ୍ମୃତି ପାଥେର ପୁରୀ। ଏହି ଘରେ ବସି ନୋବେଲ ପୁରସ୍କାର ବିଜେତା ରବୀନ୍ଦ୍ରନାଥ ଟାଗୋର ଅନେକ କାଳଜୟୀ କବିତା ରଚନା କରିଥିଲେ। ଯାହା ତାଙ୍କୁ ଚିର ସ୍ମରଣୀୟ କରି ରଖିଛି। ପୁରୀ ବାଙ୍କୀ ମୁହାଣ ନିକଟ ଚକ୍ରତୀର୍ଥ ରୋଡରେ ରହିଛି ପାଥେର ପୁରୀ ଛାତ୍ରାବାସ। ସମୁଦ୍ର କୂଳ ପାଖରେ ଥିବା ଏହି କୋଠା ବିଶ୍ଵକବିଙ୍କ ନିଜ ବାସଭବନ। ଏହି ଜମି ଏବେ ରାଜ୍ୟ ସରକାରଙ୍କ ନାଁରେ ରହିଛି। ବିଶ୍ଵ କବି ରବୀନ୍ଦ୍ରନାଥ ତାଙ୍କର ଏହି ବାସଭବନକୁ ମୃତ୍ୟୁ ପୂର୍ବରୁ ସାମନ୍ତ ଚନ୍ଦ୍ରଶେଖର ମହାବିଦ୍ୟାଳୟ ଛାତ୍ରାବାସ ପାଇଁ ଦାନ କରିଥିଲେ। ୧୯୪୫ ରୁ ୨୦୧୬ ପର୍ଯ୍ୟନ୍ତ ସେଠାରେ ଛାତ୍ରାବାସ ଚାଲିଥିଲା। ୧୯୯୫ ମସିହାରେ କଲେଜ କର୍ତ୍ତୃପକ୍ଷ ସେଠାରେ ଛାତ୍ରାବାସର ସୁବର୍ଣ୍ଣ ଜୟନ୍ତୀ ପାଳନ କରିଥିଲେ। କିନ୍ତୁ ଏବେ ଏହା ମରାମତି ଅଭାବରୁ ମାଟିରେ ମିଶିବାକୁ ଯାଉଛି। ଏହି ଐୗତିହ୍ୟର ସୁରକ୍ଷା ପ୍ରତି ରାଜ୍ୟ ସରକାର ମଧ୍ୟ ଆଖି ବୁଜି ଦେଇଛନ୍ତି। ତେଣୁ ରାଜ୍ୟ ସରକାର ଯଥାଶୀଘ୍ର ଐୗତିହ୍ୟ ପାଥେରପୁରୀ ଛାତ୍ରାବାସ କୋଠାର ପୁନରୁଦ୍ଧାର କରିବାକୁ ଦାବି ହେଉଛି।
Popular Categories
Previous article
Next article