ପୁରୀ: ଧାଡି ଦର୍ଶନକୁ ବିରୋଧ କରି ପୁରୀ ବନ୍ଦ ବେଳେ ଘଟିଥିବା ହିଂସାକାଣ୍ଡରେ ପୁଲିସ ଆଉ ୧୩ ଜଣଙ୍କୁ ଗିରଫ କରିଛି । ଟାଉନ ଥାନା ପୁଲିସ ୮ ଓ ସିଂହଦ୍ୱାର ଥାନା ପୁଲିସ ୫ ଜଣଙ୍କୁ ଗିରଫ କରିଛି । ସୋମବାର ଗିରଫ ସଂଖ୍ୟା ୫୪କୁ ବୃଦ୍ଧି ପାଇଛି । ଏହି ଘଟଣାରେ ଗିରଫ ସଂଖ୍ୟା ଆହୁରି ବଢିପାରେ ବୋଲି ଆଶଙ୍କା କରାଯାଉଛି । ଏହି ଘଟଣାରେ ସେବାୟତ ଓ ଉଠା ଦୋକାନୀଙ୍କ ସମେତ ସର୍ବ ମୋଟ ୪୧ ଜଣଙ୍କୁ ଗିରଫ କରାଯାଇଥିଲା।
ଏହି ଘଟଣାରେ ଗଜପତି ମହାରାଜ ଦିବ୍ୟସିଂହ ପ୍ରତିକ୍ରିୟା ରଖି କହିଛନ୍ତି ଯେ, ଏହା ଅତ୍ୟନ୍ତ ଦୁଃଖଦ ଓ ଦୁର୍ଭାଗ୍ୟଜନକ ଘଟଣା । ଉପଯୁକ୍ତ ଦୋଷୀଙ୍କୁ ଚିହ୍ନଟ କରାଯାଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ଏହି ଘଟଣାର ଯେପରି ପୁନରାବୃତି ନହେବ ସେନେଇ ସମସ୍ତେ ଯତ୍ନବାନ ହେବା ଉଚିତ୍ । ସମସ୍ତେ ଶାନ୍ତି ବଜାୟ ରଖିବାକୁ ଗଜପତି ନିବେଦନ କରିଛନ୍ତି ।
