ପୁରୀ : ଶ୍ରୀମନ୍ଦିର ସୁରକ୍ଷା ଜୋନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ସ୍ୱତନ୍ତ୍ର ଥଇଥାନ ପ୍ୟାକେଜ ଘୋଷଣା କରିଛନ୍ତି। ବାସଗୃହ ଅଧିକରଣ ଓ ସ୍ୱତନ୍ତ୍ର ଥଇଥାନ ନୀତି ଅନୁସାରେ କ୍ଷତିପୂରଣ ଦିଆଯିବ। ସବୁ ପରିବାରକୁ ଅଧିଗୃହିତ ଅଞ୍ଚଳରେ ଥିବା ଘର ପାଇଁ କ୍ଷତିପୂରଣ ଦିଆଯିବ। ସ୍ଥାନାନ୍ତରିତ ପରିବାରର ପରିବହନ ଖର୍ଚ୍ଚ ପାଇଁ ତୁରନ୍ତ ୫୦ ହଜାର ଟଙ୍କା। ବିସ୍ଥାପିତ ପରିବାର ଘର କିମ୍ବା ଜମି ପାଇବା ଯାଏ ମିଳିବ ଘରଭଡ଼ା। ବିସ୍ଥାପିତ ପରିବାର ଜମି, ଘର ପାଇବା ମାସିକ ୧୦ ହଜାର ଟଙ୍କା ଯାଏ ମିଳିବ। ଏହାସହ ବିସ୍ଥାପିତ ପରିବାରଙ୍କ ପାଇଁ ୩ଟି ଇଚ୍ଛାଧୀନ ସହାୟତା ମଧ୍ୟ ଘୋଷଣା କରାଯାଇଛି। ୩ଟି ଇଚ୍ଛାଧୀନ ସହାୟତାରୁ ଯେକୌଣସି ଗୋଟିଏ ଚୟନ କରିପାରିବେ।
୩ଟି ଇଚ୍ଛାଧୀନ ସହାୟତା ଗୁଡ଼ିକ ହେଉଛି –
୧ – ଗୋଟିଏ ପରିବାର ଏକକାଳୀନ ୩୦ ଲକ୍ଷ ଟଙ୍କା ସହାୟତା ନେଇପାରିବେ।
୨- ମନ୍ଦିରର ଦେଢ କି.ମି ମଧ୍ୟରେ ଥଇଥାନ କଲୋନୀରେ ୫୨୦ ବର୍ଗଫୁଟର ଘର।
୩ – ମନ୍ଦିରର ୨ କି.ମି ଭିତରେ ୪୦ x ୨୫ ଫୁଟର ଜାଗା।
ମିଳିଥିବା ସୂଚନା ଅନୁଯାୟୀ, ଏକକାଳୀନ ସହାୟତା ନେଇଥିବା ପରିବାର ଘରଭଡ଼ା ପାଇବେନି। କ୍ଷତିଗ୍ରସ୍ତ ଦୋକାନୀଙ୍କୁ ପରିବହନ ପାଇଁ ଏକକାଳୀନ ୫୦ ହଜାର ଟଙ୍କା ମିଳିବ। କ୍ଷତିଗ୍ରସ୍ତ ଦୋକାନ ଘର ପାଇଁ ମଧ୍ୟ
୨ ପ୍ରକାର ସହାୟତା ଘୋଷଣା କରାଯାଇଛି।
୧- ସାନ, ମଧ୍ୟମ, ବଡ଼ ଦୋକାନ ପାଇଁ ମାସିକ ୫,୧୦,୧୫ ହଜାର ଭଡ଼ା ଦିଆଯିବ।
୨ – ପୁରୀର ବିଭିନ୍ନ ମାର୍କେଟ କପ୍ଲେକ୍ସରେ ଉପଲବ୍ଧ ଦୋକାନ ଘର ଦିଆଯିବ।
ଏହାସହ ଲଜ୍ ଅଧିଗ୍ରହଣ ପାଇଁ ମଧ୍ୟ ସରକାର ପ୍ୟାକେଜ ଘୋଷଣା କରିଛନ୍ତି। ୧୫୦୦ ବର୍ଗଫୁଟରୁ ଅଧିକ ଲଜ୍ ପାଇଁ ପୁନର୍ବାସ ଥଇଥାନ ଅନୁଯାୟୀ କ୍ଷତିପୂରଣ ଦିଆଯିବ। ୩ ହଜାର ବର୍ଗଫୁଟରୁ ଅଧିକ ଅଞ୍ଚଳରେ ଥିବା ଲଜ୍ ପାଇଁ ୧୦ ଲକ୍ଷ ଟଙ୍କା ମିଳିବ। ୩ ହଜାର ବର୍ଗଫୁଟରୁ କମ ଲଜ୍ ପାଇଁ ୫ ଲକ୍ଷ ଟଙ୍କା ତୁରନ୍ତ ସହାୟତା ମିଳିବ। ପ୍ରତି ଲଜକୁ ବର୍ଗଫୁଟ ପିଛା ମାସିକ ୨୫ ଟଙ୍କା ଲେଖାଏଁ ୧୮ ମାସ ସହାୟତା ପ୍ରଦାନ କରାଯିବ। ବର୍ଗଫୁଟକୁ ୨ ହଜାର ଟଙ୍କା ଲେଖାଏଁ ଏକକାଳୀନ ସହାୟତା ନେଇପାରିବେ।
Comments are closed.