ପୁରୀ: ପୁରୀରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଓଁକାରେଶ୍ବର ମନ୍ଦିର ନିକଟରେ ବସ ଧକ୍କାରେ ୩ଜଣଙ୍କ ମୃତ୍ୟୁ ହୋଇଛି। ସମସ୍ତ ମୃତକ ଗଞ୍ଜାମ ଜିଲା ଛତ୍ରପୁରର ଗୋଟିଏ ପରିବାରର ବୋଲି ଜଣାପଡ଼ିଛି। ଛତ୍ରପୁରର ସତ୍ୟ ରଞ୍ଜନ ଦାସ ଓ ତାଙ୍କ ସ୍ତ୍ରୀ ଗାୟତ୍ରୀ ଦାସଙ୍କ ମୃତ୍ୟୁ ହୋଇଥିବାବେଳେ ସେମାନଙ୍କ ପରିବାର ଅନ୍ୟ ଜଣେ ସଦସ୍ୟ ହାଡ଼ଗୋଡ଼ିଆ ସାହିର ରାକେଶ ନନ୍ଦଙ୍କ ବି ମୃତ୍ୟୁ ହୋଇଛି।
ଗୋଟିଏ ନିର୍ବନ୍ଧ ଭୋଜି ଖାଇବାକୁ ସମସ୍ତେ ଓଁକାରେଶ୍ବର ମନ୍ଦିର ଯାଇଥିଲେ। ଓଁକାରେଶ୍ବର ମନ୍ଦିରରେ ନିର୍ବନ୍ଧ ଭୋଜି ଖାଇ ରାସ୍ତାକୁ ଆସୁଥିବାବେଳେ ସେମାନଙ୍କୁ ଏକ ବସ ଧକ୍କା ଦେଇଥିଲା। ବସ ଧକ୍କାରେ ସମସ୍ତଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ସୂଚନା ମିଳିଛି।
Comments are closed.