ବଲାଙ୍ଗିର : ଖୋଲାରେ ଅଭିଯୁକ୍ତ ବୁଲୁଥିବା ବେଳେ ସେମାନଙ୍କୁ ଗିରଫ କରିବା ଦାବିରେ ବଲାଙ୍ଗିର ବଜରଙ୍ଗ ଦଳ ପକ୍ଷରୁ ଚନ୍ଦନଭାଟି ଫାଣ୍ଡି ଘେରାଉ କରାଯାଇଥିଲା। ସୂଚନାରୁ ପ୍ରକାଶ ଯେ, ଗତ କିଛି ଦିନ ତଳେ କୁଶମେଲ ପଞ୍ଚାୟତ ଅନ୍ତର୍ଗତ ଖଲିଆପାଲି ଗାଁରେ କିଛି ଦୁର୍ବୃତ୍ତ ଏକ ଜୀବନ ଗାଈକୁ ନେଇ ନିର୍ମମ ଭାବେ ହତ୍ୟା କରିଥିଲେ। ଏହା ସହ ତାର ମାଂସ ବନାଉଥିବା ଖୁଶମେଲ ଗାଁର ବଜରଙ୍ଗ ଦଳର କାର୍ଯ୍ୟକର୍ତ୍ତା ଖବର ପାଇଥିଲେ। ଘଟଣାସ୍ଥଳରେ କାର୍ଯ୍ୟକର୍ତ୍ତା ପହଞ୍ଚି ଏହାକୁ ବିରୋଧ କରିବା ସହ ସଂପୃକ୍ତ ଅଭିଯୁକ୍ତମାନଙ୍କୁ ପୁଲିସ ହାତରେ ଧରାଇଥିଲେ। ଏନେଇ ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିଲେ। କିନ୍ତୁ ସେଥି ମଧ୍ୟରୁ ୩ ଜଣ ଅଭିଯୁକ୍ତ ପୁଲିସ ଆଖିରେ ଦୂଳି ଦେଇ ପୁଲିସ ହାତରୁ ଫେରାର ମାରିବାରେ ସଫଳ ହୋଇଥିଲେ। ଆଜିକୁ ସପ୍ତାହେ ବ୍ୟାପୀ ଯାଇଥିଲେ ସୁଦ୍ଧା ସେମାନଙ୍କୁ ପୁଲିସ ଗିରଫ କରି ନାହିଁ। ହେଲେ ଉକ୍ତ ଅଭିଯୁକ୍ତମାନେ ଖୋଲାଖୋଲି ଭାବେ ଗାଁରେ ବୁଲୁଛନ୍ତି। ବେଧକଡ ବୁଲୁଥିବା ଅଭିଯୁକ୍ତଙ୍କ ବିରୋଧରେ ଚନ୍ଦନଭାଟି ଫାଣ୍ଡି ପୁଲିସ କାର୍ଯ୍ୟାନୁଷ୍ଠାନ ଅପେକ୍ଷା ବିଶେଷ ସହାନୁଭୂତି ଥିବା ବଜରଙ୍ଗ ଦଳ ଅଭିଯୋଗ କରିଛି। ପୁଲିସ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଅପେକ୍ଷା ଚୁପ୍ ବସିବାକୁ ନେଇ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଶନିବାର ଏନେଇ ଚନ୍ଦନଭାଟି ଫାଣ୍ଡି ଘେରାଉ କରାଯାଇଥିଲା। ଯଦି ପୁଲିସ ଅଭିଯୁକ୍ତଙ୍କୁ ଯଥାଶୀଘ୍ର ଗିରଫ କରି ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ ନକଲେ ରାଜରସ୍ତାରେ ଏହାର ତୀବ୍ର ବିରୋଧ କରାଯିବା ସହ ନିଆଁ ଜଳିବ ବୋଲି ଦଳ ପୁଲିସକୁ ଚେତାବନୀ ଦେଇଛି।
Comments are closed.