ପାଟଣା : ପାଟଣା ବ୍ଲକ ଅନ୍ତର୍ଗତ ଡୁମୁରିଆ ପଞ୍ଚାୟତ ତଣ୍ଡୋ ଗ୍ରାମର ବାସିନ୍ଦା ତଥା ଏବେ ସଦର ଏବିଡ଼ିଓ ଭାବେ କାର୍ଯ୍ୟରତ ଭାଗବତ ନାଏକଙ୍କ ଏକମାତ୍ର କନ୍ୟା ପ୍ରିୟଦର୍ଶିନୀ ନାଏକ ଚଳିତ ସିଭିଲ ସର୍ଭିସ ପରୀକ୍ଷାରେ ସଫଳତା ପାଇଛନ୍ତି। ସେ ୬୫୮ ରାଙ୍କରେ ଅଛନ୍ତି। ପିଲାଟି ଦିନରୁ ମେଧାବୀ ଛାତ୍ରୀ ଭାବେ ସେ ହିଞ୍ଜିଳିକାଟୁ ସରସ୍ୱତୀ ଶିଶୁବିଦ୍ୟାମନ୍ଦିରରୁ ମାଟ୍ରିକ ପାସ କରିବା ପରେ ବ୍ରହ୍ମପୁରରେ ଯୁକ୍ତ ଦୁଇ, ଭୁବନେଶ୍ୱର କମଳା ନେହେରୁ ମହିଳା ମହାବିଦ୍ୟାଳୟରୁ ଯୁକ୍ତ ତିନି ଏବଂ ଓୟୁଏଟି ଭୁବନେଶ୍ୱରରୁ ଜୀଵ ବିଜ୍ଞାନରେ ପିଜି କରିଥିବା ପ୍ରିୟଦର୍ଶିନୀ ପ୍ରତି ପରୀକ୍ଷାରେ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହେବାପରେ ଅନଲାଇନରେ ଓଡ଼ିଶା ସିଭିଲ ସର୍ଭିସ ପରୀକ୍ଷା ପାଇଁ କୋଚିଂ ନେଉଥିଲେ। ପିତା ଭାଗବତ ଓ ମାତା କୁନ୍ତଳାଙ୍କ ଗୋଟିଏ ଝିଅ ଓ ଗୋଟିଏ ପୁଅ ମଧ୍ୟରେ ସେ ଜ୍ୟେଷ୍ଠ ସନ୍ତାନ। ନିଜର ସଫଳତାର ଶ୍ରେୟ ପଛରେ ମାତାପିତାଙ୍କ ପ୍ରେରଣା ଓ ଈଶ୍ୱରଙ୍କ କୃପାକୁ ସେ ଶ୍ରେୟ ଦେଇଛନ୍ତି। ମାନବ ସେବା ହିଁ ମାଧବ ସେବା ତାଙ୍କ ଜୀବନରେ ଆଦର୍ଶ ବୋଲି ପ୍ରିୟଦର୍ଶିନୀ ମତ ରଖିଛନ୍ତି।
Comments are closed.