ଭୁବନେଶ୍ଵର: ଓଡିଶାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଆଜି ବିଶ୍ଵପ୍ରସିଦ୍ଧ ଘୋଷଯାତ୍ରା। ଏଥିଲାଗି ପୁରୀ ଗସ୍ତ କରି ରଥଟଣା ଦେଖିବାକୁ କାର୍ଯ୍ୟକ୍ରମ ରହିଛି। ଶନିବାର ବାୟୁସେନାର ଏକ ସ୍ଵତନ୍ତ୍ର ବିମାନ ଯୋଗେ ସନ୍ଧ୍ୟା ସାଢେ ୫ଟାରେ ଭୁବନେଶ୍ଵର ବିମାନ ବନ୍ଦରରେ ପହଞ୍ଚିଥିଲେ ମହାମହିମ। ଏହାପରେ ରାଜ୍ୟପାଳ ରଘୁବର ଦାସ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ମୁଖ୍ୟ ଶାସନ ସଚିବ ମନୋଜ ଆହୁଜା, ପୁଲିସ୍ କମିଶନର ସଞ୍ଜୀବ ପଣ୍ଡା ପ୍ରମୂଖ ତାଙ୍କୁ ସ୍ଵାଗତ କରିଥିଲେ। ସେଠାରୁ ତାଙ୍କୁ କଡା ସୁରକ୍ଷା ବଳୟ ମଧ୍ୟରେ ଜୟଦେବ ଭବନକୁ ନିଆଯାଇଥିଲା। ସେଠାରେ ଉତ୍କଳମଣି ଗୋପବନ୍ଧୁ ଦାସଙ୍କ ୯୬ତମ ଶ୍ରାଦ୍ଧବାର୍ଷିକୀ ଅବସରରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇଥିଲେ। ଆଜି ବିଶ୍ଵ ପ୍ରସିଦ୍ଧ ରଥଯାତ୍ରା ଅବସରରେ ପୁରୀ ଗସ୍ତ କରି ରଥଯାତ୍ରାରେ ସାମିଲ ହେବାର କାର୍ଯ୍ୟକ୍ରମ ରହିଛି। ପୁରୀ ରାଜଭବନରେ ରାତ୍ରିଯାପନ କରିବାର ସୂଚନା ରହିଛି। ଜୁଲାଇ ୮ ତାରିଖରେ ଭୁବନେଶ୍ଵର ଫେରି ଖଣ୍ଡଗିରି , ଉଦୟଗିରି ଗୁମ୍ପା ପରିଦର୍ଶନ କରିବା ସହ ହରିଡାମାଡା ଗାଁରେ ବ୍ରହ୍ମକୁମାର ରିଟ୍ରିଟ୍ କେନ୍ଦ୍ର ଉଦଘାଟନ କରିବେ। ଜୁଲାଇ ୯ ତାରିଖରେ ନାଇଜରର ଦୀକ୍ଷାନ୍ତ ସମାରୋହରେ ଯୋଗଦେବେ। ମହାମହିମଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି।
Popular Categories
Previous article
Next article