ଭୁବନେଶ୍ୱର : ଆସନ୍ତା ୩୦ ତାରିଖ ଦିନ ଯିଏ ଯେଉଁଠି ଥାନ୍ତୁ ନା କାହିଁକି ସକାଳ ୧୧ଟା ସମୟରେ ଅଟକି ଯିବେ। ଦେଶ ସ୍ବାଧୀନତା ପାଇଁ ବଳିଦାନ ଦେଇଥିବା ମହାନ୍ ସଂଗ୍ରାମୀଙ୍କ ସ୍ମୃତିରେ ଦୁଇ ମିନିଟ୍ ନିରବ ପ୍ରାର୍ଥନା କରିବେ। ସହିଦ ଦିବସ ପାଳନ ପାଇଁ କେନ୍ଦ୍ର ଗୃହ ମନ୍ତ୍ରାଳୟ ଓଡ଼ିଶା ସମତେ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳକୁ ନେର୍ଦଶ ଜାରି କରିଛନ୍ତି। ମୁଖ୍ୟ ସଚିବଙ୍କ ନିକଟକୁ ଆସିଥିବା ପତ୍ରରେ କୁହାଯାଇଛି ଯେ ସହିଦ ଦିବସ ପାଳନ ଉପଲକ୍ଷେ ଓଡ଼ିଶା ସମେତ ସମଗ୍ର ଦେଶରେ ବୁଧବାର ସକାଳ ୧୧ଟାରୁ ୨ ମିନିଟ୍ ପର୍ଯ୍ୟନ୍ତ ନିରବ ପ୍ରାର୍ଥନା ଓ ସମ୍ମାନ ପ୍ରଦର୍ଶନ କରାଯିବ। ଯେଉଁ ସ୍ଥାନରେ ସାଇରନ୍ ବ୍ୟବସ୍ଥା ଥିବ ସେଠାରେ ଗୋଟିଏ ମିନିଟ୍ ପୂର୍ବରୁ ଅର୍ଥାତ୍ ସକାଳ ୧୦.୫୯ରୁ ୧୧ଟା ପର୍ଯ୍ୟନ୍ତ ତାହା ବାଜିବ। ଏହା ପରେ ୧୧.୦୨ରୁ ଗୋଟିଏ ମିନିଟ୍ ପର୍ଯ୍ୟନ୍ତ ପୁଣି ଥରେ ସାଇରନ୍ ବାଜିବ। ସବୁ କାମ ଛାଡ଼ି ଦୁଇ ମିନିଟ୍ ନିରବ ପ୍ରାର୍ଥନା ପାଇଁ ଏହି ସାଇରନ୍ ସୂଚନା ଦେବ। ସେହିପରି ସେନା ପକ୍ଷରୁ ଏହି ସମୟରେ ଗୁଳି ଫୁଟାଇ ସୂଚନା ଦିଆଯାଇ ପାରିବ। ତେବେ ଯେଉଁ ଠାରେ ଏହି ବ୍ୟବସ୍ଥା ନାହିଁ ସେଠାରେ ଲୋକେ ନିଜ ବିବେକ ଅନୁସାରେ ଛିଡ଼ା ହୋଇ ସହିଦଙ୍କୁ ସମ୍ମାନ ପ୍ରଦର୍ଶନ କରିବେ। ସହିଦଙ୍କୁ ସମ୍ମାନ ପ୍ରଦର୍ଶନ ପାଇଁ ଲୋକେ ଗୋଟିଏ ସ୍ଥାନରେ ଏକତ୍ରିତ ହୁଅନ୍ତି ତେବେ ତାହା ବେଶ୍ ଭଲ କଥା ହେବ ବୋଲି ମନ୍ତ୍ରାଳୟ ପକ୍ଷରୁ କୁହାଯାଇଛି। ତେବେ କାର୍ଯ୍ୟକ୍ଷେତ୍ର ଠାରୁ ଦୂରକୁ ଯାଇ ଏପରି କରିବା ଉଚିତ୍ ନୁହେଁ। ଏସମ୍ପର୍କରେ ଲୋକଙ୍କ ସୂଚନା ଦେବା ପାଇଁ ସରକାର ବ୍ୟବସ୍ଥା କରିବା ଆବଶ୍ୟକ। ସମ୍ମାନର ସହ ଦୁଇ ମିନିଟ୍ ପାଇଁ ନିରବ ପ୍ରାର୍ଥନା ଆୟୋଜନ ପାଇଁ ପଦକ୍ଷେପ ନେବାକୁ ସମସ୍ତ ବିଭାଗ, ସରକାରୀ ଓ ବେସରକାରୀ ଅନୁଷ୍ଠାନ, ଶିକ୍ଷାନୁଷ୍ଠାନମାନଙ୍କୁ ଅବଗତ କରାଇବା ପାଇଁ ରାଜ୍ୟ ସରକାର ପଦକ୍ଷେପ ନେବାକୁ କୁହାଯାଇଛି।
Popular Categories
Previous article
Next article