ନୂଆଦିଲ୍ଲୀ ..- ରୋହଙ୍ଗ୍ୟାୟ ପ୍ରସଙ୍ଗରୁ ଧ୍ୟାନ ହଟାଇବା ପାଇଁ ଜମାଇତ୍-ଉଲ୍-ମୁଜାହିଦ୍ଦିନ(ବଙ୍ଗଳାଦେଶ)ର ସଦସ୍ୟମାନେ ହାଇଦ୍ରାବାଦର କିଛି ସ୍ଥାନୀୟ ବାସିନ୍ଦାଙ୍କ ସହ ମିଶି ବୋଧଗୟାରେ ବିସ୍ଫୋରଣ ପାଇଁ ଯୋଜନା କରିଥିଲେ ବୋଲି ଏହି ଘଟଣାର ଅନୁସନ୍ଧାନ କରୁଥିବା ରାଷ୍ଟ୍ରୀୟ ଅନୁସନ୍ଧାନ ସଂସ୍ଥା ବା ଏନ୍ଆଇଏ ସୂଚନା ଦେଇଛି । ଏହାର ଅତିରିକ୍ତ ଅଭିଯୋଗ ଫର୍ଦ୍ଦରେ ଏନ୍ଆଇଏ ପକ୍ଷରୁ ଏ ବିଷୟରେ ଉଲ୍ଲେଖ କରାଯାଇଛି । ତଦନ୍ତ ବେଳେ ଅଭିଯୁକ୍ତ ଆତଙ୍କବାଦୀ ଆଦିଲ୍ ଶେଖ୍ ଓ ଅହମ୍ମ ଅଲ୍ଲି ଏ ବିଷୟରେ ସୂଚନା ଦେଇଛନ୍ତି । ହାଇଦ୍ରାବାଦ ଓ ଚେନ୍ନାଇରେ ବିସ୍ଫୋରଣ ପାଇଁ ଯୋଜନା ପ୍ରସ୍ତୁତ କରାଯାଇଥିଲା ।
ଅହମ୍ମଦ ଅଲ୍ଲୀ , ନୁର ଆଲାମ ଓ ଶେଖ୍ଙ୍କ ଘରେ ବିସ୍ଫୋରକ ରଖାଯ।ଇଥିଲା । ସେମାନେ ୩ ଟି ଆଇଡି ଓ ୨ଟି ହାତ ଗ୍ରୀନେଡ୍ ରଖିଥିଲେ । ଆଦିଲ୍ଶେଖ୍ , ଦିଲଓ୍ୱାର ହୁସେନ୍ ଓ ଆରିଫ ବୋମା ନେଇ ବୋଧଗୟା ମହାବୋଧି ମନ୍ଦିରରେ ରଖିଥିଲେ । ୧୯ ଜାନୁଆରୀ ୨୦୧୮ରେ ସେଠାରେ ବିସ୍ଫୋରଣ କରିଥିଲେ ।
