ବିଶିଷ୍ଟ ଶିକ୍ଷାବିତ ଡକ୍ଟର ନାରାୟଣ ମହାନ୍ତି ଚଳିତ ବର୍ଷ ଉତ୍କଳ ସାହିତ୍ୟ ସମାଜ ପକ୍ଷରୁ ପ୍ରଭା ପଟେଲ ରମ୍ୟରଚନା ଓ ଲଳିତ ନିବନ୍ଧ ସମ୍ମାନ ପାଇବେ। ଆସନ୍ତା ୩୧ରେ ସନ୍ଧ୍ୟାରେ ବାଣୀପୀଠ ଶ୍ରୀରାମଚନ୍ଦ୍ର ଭବନଠାରେ ଆୟୋଜିତ ହେବାକୁ ଥିବା ଉତ୍କଳ ସାହିତ୍ୟ ସମାଜର ୧୧୯ତମ ବାର୍ଷିକ ସମାବର୍ତ୍ତନ ଉତ୍ସବରେ ଡକ୍ଟର ମହାନ୍ତିଙ୍କୁ ଏହି ସମ୍ମାନ ପ୍ରଦାନ କରାଯିବ।
୨୦୦୪ ମସିହାଠାରୁ ଡକ୍ଟର ମହାନ୍ତିଙ୍କ ଲିଖିତ ରମ୍ୟରଚନାଗୁଡ଼ିକ ବିଭିନ୍ନ ଦୈନିକ ସମ୍ବାଦପତ୍ର ତଥା ମାସିକ ଓ ସାପ୍ତାହିକ ପତ୍ରପତ୍ରିକାରେ ପ୍ରକାଶ ପାଉଛି। ଚଳିତବର୍ଷ ଡକ୍ଟର ମହାନ୍ତିର ୪୫ଟି ସୁନିର୍ବାଚିତ ରମ୍ୟରଚନାକୁ ନେଇ ଏକ ସଂକଳନ ‘ମହାମନ୍ତ୍ରୀ ଉବାଚ’ ପ୍ରକାଶିତ ହୋଇଛି। ସୂଚନାଯୋଗ୍ୟ, କଟକ ଜେକେବିକେ ସରକାରୀ କଲେଜର ତର୍କ ଓ ଦର୍ଶନ ବିଭାଗର ପ୍ରାଧ୍ୟାପକ ତଥା ମୁଖ୍ୟ ଭାବେ ୨୦୧୪ରେ ଅବସର ନେଇଛନ୍ତି।
