ନବରଙ୍ଗପୁର: ଆଜକୁ ୧୦ ବର୍ଷରୁ ଊର୍ଦ୍ଧ୍ବ ହେବ ଏକ ଅସହାୟ ଗରୀବ ପରିବାର ଆବାସ ଯୋଜନାରେ ଘର ଖଣ୍ଡିକ ପାଇଁ ଆବେଦନ କରି କରି ସେହି ମାଟି ଚାଳଘରେ ପଡିରହିଛନ୍ତି। ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ବ୍ଲକ ସଦରମହକୁମା ପଂଚାୟତର ଖଣ୍ଡିଆ ଗୁଡାରେ ରହୁଥିବା ଦନେସ ବାଘ(୫୫) ତାଙ୍କ ସ୍ତ୍ରୀ ଏବଂ ପୁଅ ୩ଜଣ ଆଜକୁ ୧୦/୧୨ ବର୍ଷ ହେବ ମାଟି ଚାଳ ଘରେ ରହି ଆସୁଛନ୍ତି। ବର୍ଷା ହେଲେ ଘରେ ପାଣି ଗଳି ବହୁକଷ୍ଟରେ ଚଳୁଥିବା ବେଳେ ଆର୍ଥିକ ଅବସ୍ଥା ଖରାପ ଥିବା ଯୋଗୁଁ ଘର ମରାମତି ପାଇଁ ପାଖରେ ଅର୍ଥ ଅଭାବ। ଗୋଟିଏ ବୋଲି ପୁଅର ମେଟ୍ରିକ ପାସ ପରେ କଲେଜ ପଢାଇବାକୁ ମଧ୍ୟ ସକ୍ଷମ ନ ଥିବାରୁ ପାଠ ଛଡାଇ ଦେଇଥିବା କହିଛନ୍ତି ଦନେସ। ଆବାସ ଯୋଜନାରେ ଘର ଖଣ୍ଡିକ ପାଇଁ ୧୦ ବର୍ଷ ହେଲା ସରପଞ୍ଚଠୁ ଆରମ୍ଭ କରି ପିଇଓ ଏବଂ ବିଡ଼ିଓଙ୍କୁ ଗୁହାରି କରି କରି ନୟାନ୍ତ ହୋଇଯାଇ ଥିବା ଦନେସଙ୍କୁ ଘର ପାଇଁ ଏସିସି ଲିଷ୍ଟରେ ନାମ ଚଢାଇ ଅଛୁ ଘର ଆସିବ ବୋଲି ୧୦ ବର୍ଷ ହେଲା ଆଶ୍ୱାସନା ମିଳୁଛି। ଚଳିତ ବର୍ଷାରେ ଘରର ଚାଳ ଉଡ଼ି ଯାଇ ଘରେ ପାଣି ପଶି ବହୁତ ଅସୁବିଧା ହେବାପରେ ତହସିଲ ବିଭାଗ ତରଫରୁ ଖଣ୍ଡିଏ ପଲିଥିନ ମଧ୍ୟ ମିଳି ନ ଥିବା କହିଛନ୍ତି ଦନେସ। ଆବାସ ଯୋଜନାରେ ଏହି ଅସହାୟ ପରିବାରକୁ ଗୃହ ଖଣ୍ଡେ ଯୋଗାଇ ଦେବାପାଇଁ ସାଧାରଣରେ ଦାବି ହେଉଛି।
Popular Categories
Previous article
Next article