ନୂଆଦିଲ୍ଲୀ : ପ୍ରଧାନମନ୍ତ୍ରୀ କୃଷକ ସମ୍ମାନ ନିଧି (ପିଏମ୍-କିଷାନ) ଯୋଜନାର ୯ କିସ୍ତି ଟଙ୍କା ସୋମବାର ଦେଶର ୯.୭୫କୋଟି କୃଷକଙ୍କୁ ପ୍ରଦାନ କରାଯାଇଛି। ପ୍ରତି କୃଷକଙ୍କୁ ୨୦୦୦ ଟଙ୍କା ଲେଖାଏଁ ମୋଟ ୧୯,୫୦୯ କୋଟି ଟଙ୍କା କୃଷକ ବ୍ୟାଙ୍କ ଖାତାରେ ଜମା କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି କିସ୍ତି ଟଙ୍କା ପ୍ରଦାନ କରିବା ସହ ହିତାଧିକାରୀ କୃଷକଙ୍କ ସହିତ କଥା ହୋଇଥିଲେ। ସେ କହିଛନ୍ତି ଯେ ଭାରତ ପ୍ରଥମ କରି କୃଷିଜାତ ସାମଗ୍ରୀ ରପ୍ତାନି କ୍ଷେତ୍ରରେ ବିଶ୍ବର ପ୍ରମୁଖ ୧୦ଟି ରାଷ୍ଟ୍ର ମଧ୍ୟରେ ସ୍ଥାନ ପାଇପାରିଛି। ତେବେ ଖାଇବା ତେଲ ଉତ୍ପାଦନ କ୍ଷେତ୍ରରେ ଭାରତକୁ ଆତ୍ମନିର୍ଭର କରିବା ଲାଗି କୃଷକଙ୍କୁ ପ୍ରଧାନମନ୍ତ୍ରୀ ଆହ୍ବାନ ଦେଇଛନ୍ତି। ସୂଚନାଯୋଗ୍ୟ ପିଏମ୍-କିଷାନ ଯୋଜନାରେ ପ୍ରତିବର୍ଷ ପ୍ରତ୍ୟେକ କୃଷକଙ୍କୁ ୬୦୦୦ ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଉଛି। ଏହି ଅର୍ଥକୁ ୨୦୦୦ ଟଙ୍କା ଲେଖାଏଁ ତିନିଟି କିସ୍ତିରେ ପ୍ରଦାନ କରାଯାଉଛି। ଏହାଦ୍ବାରା କୃଷକଙ୍କ ରୋଜଗାର ବୃଦ୍ଧି ପାଇଛି।
Popular Categories
Previous article
Next article