୧୬ ଘଣ୍ଟାରେ ବଦଳିଗଲା ମୋଦୀଙ୍କ ସୋସିଆଲ ମିଡିଆ ଛାଡିବା ନିଷ୍ପତ୍ତି, ଜାଣନ୍ତୁ କାରଣ

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋସିଆଲ ମିଡିଆ ଛାଡିବା ନେଇ ହୋଇଥିବା କଳ୍ପନା ଜଳ୍ପନାର ଅନ୍ତ ଘଟିଛି। ସୋସିଆଲ ମିଡିଆ ଆକାଉଣ୍ଟ ଛାଡିବାକୁ ଯାଉନାହାଁନ୍ତି। ବରଂ ସେହି ମହିଳାମାନଙ୍କୁ ତାଙ୍କ ଆକାଉଣ୍ଟ ଦେବାକୁ ଚାହୁଁଛନ୍ତି ବୋଲି ମୋଦୀ କହିଛନ୍ତି। ଯେଉଁମାନଙ୍କ କାର୍ଯ୍ୟ ଏବଂ ଜୀବନ ଆମକୁ ପ୍ରେରଣା ଦେଇଛି ସେମାନଙ୍କ ଉଦ୍ଦେଶ୍ୟରେ ମାର୍ଚ୍ଚ ୮ ଆନ୍ତର୍ଜାତୀୟ ମହିଳା ଦିବସ ଅବସରରେ ସେ ନିଜ ସୋସିଆଲ ମିଡିଆ ଆକାଉଣ୍ଟ ସାର୍ବଜନୀନ କରିବେ ବୋଲି ଟ୍ୱିଟର ମାଧ୍ୟମରେ ମୋଦୀ ସୂଚନା ଦେଇଛନ୍ତି।

This Women’s Day, I will give away my social media accounts to women whose life & work inspire us. This will help them ignite motivation in millions.

Are you such a woman or do you know such inspiring women? Share such stories using #SheInspiresUs. pic.twitter.com/CnuvmFAKEu

— Narendra Modi (@narendramodi) March 3, 2020

ସେ ଟ୍ୱିଟରରେ ଲେଖିଛନ୍ତି ଯେ, ‘ଏହି ମହିଳା ଦିବସ ଅବସରରେ ମୁଁ ନିଜ ସୋସିଆଲ ମିଡିଆ ଆକାଉଣ୍ଟକୁ ସେହି ମହିଳାମାନଙ୍କୁ ଦେବି ଯାହାର ଜୀବନ ଏବଂ କାର୍ଯ୍ୟ ଆମକୁ ପ୍ରେରଣା ଯୋଗାଇଛି। ଏହା ସେମାନଙ୍କୁ ଲକ୍ଷ ଲକ୍ଷ ଲୋକଙ୍କ ମଧ୍ୟରେ ପ୍ରେରଣା ଯୋଗାଇବାରେ ସାହାଯ୍ୟ କରିବ। ତୁମେ ଏପରି ଜଣେ ମହିଳା ନା ତୁମେ ଏପରି ପ୍ରେରଣାଦାୟକ ମହିଳାଙ୍କୁ ଜାଣିଛ? ସେଭଳି କାହାଣୀଗୁଡିକୁ ମୋ ସୋସିଆଲ ମିଡିଆ ଆକାଉଣ୍ଟରେ #SheInspiresUs (ସେ ଆମକୁ ପ୍ରେରଣା ଦିଅନ୍ତି) ହ୍ୟାସଟ୍ୟାଗ୍ ସହିତ ଲେଖନ୍ତୁ’ ବୋଲି ମୋଦୀ ଆହ୍ବାନ ଦେଇଛନ୍ତି।

୧୬ ଘଣ୍ଟା ପୂର୍ବରୁ ପ୍ରଧାନମନ୍ତ୍ରୀ କହିଥିଲେ ଯେ ସେ ରବିବାର ସୋସିଆଲ ମିଡିଆ ଛାଡିବାକୁ ଯୋଜନା କରୁଛନ୍ତି। ସେ ସୋମବାର ଟ୍ୱିଟରରେ ଲେଖିଛନ୍ତି, ଏହି ରବିବାର ମୁଁ ଫେସବୁକ୍, ଟ୍ୱିଟର, ଇନଷ୍ଟାଗ୍ରାମ ଏବଂ ୟୁଟ୍ୟୁବ୍ ସମେତ ମୋର ସମସ୍ତ ସୋସିଆଲ୍ ମିଡିଆ ଆକାଉଣ୍ଟ ଛାଡିବାକୁ ଚିନ୍ତା କରୁଛି। ମୁଁ ଆପଣଙ୍କୁ ଏ ବିଷୟରେ ସୂଚନା ଦେବି |