ଗାନ୍ଧିନଗର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁଜରାଟର ନର୍ମଦା ଜିଲ୍ଲା ଅନ୍ତର୍ଗତ କାଭାଡ଼ିଆ କଲୋନିଠାରେ ଆୟୋଜିତ ପୁଲିସ ମହାନିର୍ଦ୍ଦେଶକ ଓ ଆଇ.ଜି.ମାନଙ୍କ ବାର୍ଷିକ ସମ୍ମିଳନୀରେ ଉଦବୋଧନ ଦେଇଛନ୍ତି। ଏକତାର ପ୍ରତିମୂର୍ତ୍ତି ବା ଷ୍ଟାଚ୍ୟୁ ଅଫ୍ ୟୁନିଟ୍ ନିକଟରେ ଏହି ସମ୍ମିଳନୀର ଆୟୋଜନ କରାଯାଇଛି। ଦୁଇଦିନିଆ ଗୁଜରାଟ ଗସ୍ତରେ ଯାଇ ଶ୍ରୀ ମୋଦୀ ଆଜି ସେଠାରେ ପହଞ୍ଚଥିଲେ। ଏକତାର ପ୍ରତିମୂର୍ତ୍ତିଠାରେ ଆୟୋଜିତ ‘ଏକ୍ ଭାରତ ଶ୍ରେଷ୍ଠ ଭାରତ୍’ ପ୍ୟାରେଡ୍ ଉତ୍ସବରେ ଶ୍ରୀ ମୋଦୀ ଅଭିବାଦନ ଗ୍ରହଣ କରିଛନ୍ତି।
ଡିଜିପି ମାନଙ୍କର ଏହି ବାର୍ଷିକ ସମ୍ମିଳନୀରେ ଦେଶର ବରିଷ୍ଠ ପୁଲିସ୍ ଅଧିକାରୀମାନେ ସୁରକ୍ଷା ଓ ନିରାପତ୍ତା ସଂପର୍କିତ ପ୍ରସଙ୍ଗ ଉପରେ ଆଲୋଚନା କରିଥାନ୍ତି। ସ୍ୱରାଷ୍ଟ୍ରମନ୍ତ୍ରୀ ରାଜନାଥ ସିଂହ ଗୁରୁବାର ଏହି ସମ୍ମିଳନୀକୁ ଉଦ୍ଘାଟନ କରିଥିଲେ। ଜାମ୍ମୁ କାଶ୍ମୀରରେ ଆତଙ୍କବାଦ କାର୍ଯ୍ୟକଳାପ, ସୀମାପାର ଆତଙ୍କବାଦ ଓ ଯୁବକମାନଙ୍କୁ ମୌଳବାଦରେ ସାମିଲ କରିବା ଆଦି ପ୍ରସଙ୍ଗ ସମ୍ମିଳନୀର ମୁଖ୍ୟ ଆଲୋଚନାର ବିଷୟ ରହିବ।
ଶନିବାର ଶ୍ରୀ ମୋଦୀ ବିଜେପି ମହିଳା କର୍ମୀ ଓ ନେତାମାନଙ୍କୁ ଗାନ୍ଧିନଗର ନିକଟସ୍ଥ ଅଦାଲଜ୍ ଗାଁଠାରେ ଉଦ୍ବୋଧନ ଦେବେ।
ପୁଲିସ ଡିଜିପି ଓ ଆଇଜି ସମ୍ମିଳନୀରେ ଯୋଗଦେଲେ ମୋଦୀ
Popular Categories
Previous article
Next article