ସମାଜ ଡିଜିଟାଲ ଡେସ୍କ: ମୋବାଇଲ ଫୋନ୍ରେ ଗେମ୍ ଖେଳିବା ହେଲା କାଳ । ଆଜିର ଯୁବପୀଢି ଫୋନରେ ଗେମ୍ ଖେଳିବା ନିଶାରେ ଏଭଳି ଭାବେ ବୁଡି ରହୁଛନ୍ତି ଯେ ନିଜର ହିତାହତ ଜ୍ଞାନ ଭୁଲି ଯାଉଛନ୍ତି । ଫୋନରେ ଗେମ୍ ଖେଳି ଆତ୍ମହତ୍ୟା ଉଦ୍ୟମ କରିଛନ୍ତି ଜଣେ ଯୁବକ । ଏଭଳି ଅଭାବନୀୟ ଘଟଣା ଘଟିଛି ଅନୁଗୁଳ ଜିଲା ଜରପଡା ଥାନା ଅନ୍ତର୍ଗତ ଜେରେଙ୍ଗ ଗାଁରେ । ଗାଁର ଯୁବକ ସୌମ୍ୟରଞ୍ଜନ ନାଏକ ନିଜ ବେକ ନିଜେ କାଟି ଗୁରୁତର ଭାବେ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ସୌମ୍ୟରଞ୍ଜନ ନାଏକ ଦୀର୍ଘ ଦିନ ହେଲା ଅନଲାଇନରେ ଗେମ୍ ଖେଳୁଥିଲେ । ବାରମ୍ବାର ଗେମରେ ହାରିଯିବା ପରେ ନିଜର ମାନସିକ ସ୍ଥିତି ହରାଇ ନିଜ ବେକ ନିଜେ କାଟି ଦେଇଥିବା ସୂଚନା ମିଳିଛି ।
Comments are closed.