ପିପିଲି: ପବିତ୍ର ବିଶ୍ୱକର୍ମା ପୂଜା ଅବସରରେ ଡାଲମିଆ ସିମେଣ୍ଟ ଭାରତ ଲିଃ କମ୍ପାନୀ ପକ୍ଷରୁ ପିପିଲି ଅଞ୍ଚଳର ବରିଷ୍ଠ ରାଜମିସ୍ତ୍ରୀ ସାଗର ମାଝୀଙ୍କୁ ସମ୍ବର୍ଦ୍ଧିତ କରାଯାଇଛି। ଡାଲମିଆ କମ୍ପାନୀର ଯନ୍ତ୍ରୀ ସୌମ୍ୟରଞ୍ଜନ ଦାଶ, ସୌମ୍ୟରଞ୍ଜନ ନାୟକ, ରାଜେଶ ବିଶ୍ୱାଳ ଓ ସେଲ୍ସ ଅଫିସର ଅମରେନ୍ଦ୍ର ପ୍ରସାଦ ସାହୁ ପ୍ରମୁଖ ପୋପରଙ୍ଗା ଗ୍ରାମକୁ ଯାଇ ଶ୍ରୀମାଝୀଙ୍କୁ ତାଙ୍କ ବାସଭବନରେ ସମ୍ବର୍ଦ୍ଧିତ କରିବା ସହ ତାଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ। ୧୯୭୮ ମସିହାରୁ ନିର୍ମାଣ ଶ୍ରମିକ ଭାବେ କାର୍ଯ୍ୟ ଆରମ୍ଭ କରିଥିବା ଶ୍ରୀମାଝୀ ନିଜର ୪୨ ବର୍ଷର ସଂଘର୍ଷମୟ ଜୀବନ ଓ ସଫଳତା ସଂପର୍କରେ ପ୍ରକାଶ କରିଥିଲେ। ସରକାରଙ୍କ କୋଭିଡ୍ ଗାଇଡ୍ଲାଇନ ପାଳନ ପୂର୍ବକ କରାଯାଇଥିବା ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ପିପିଲି ସିଦ୍ଧେଶ୍ବର ଦେବ ରାଜମିସ୍ତ୍ରୀ ସଂଘର ଉପଦେଷ୍ଠା ଶଶାଙ୍କ ଶେଖର ମହାନ୍ତି, ସଭାପତି ମହେନ୍ଦ୍ର କୁମାର ମାଝୀ, ସଂପାଦକ ବିନୋଦ ବେହେରା, କୋଷାଧ୍ୟକ୍ଷ ପର୍ଶୁରାମ ସେଠୀ, ବରିଷ୍ଠ ସଦସ୍ୟ ସତ୍ୟଶିବ ଉଦଣ୍ଡରାୟ, ଧିରେନ୍ଦ୍ର ସ୍ୱାଇଁ, ବଟକୃଷ୍ଣ ସ୍ୱାଇଁ, ତ୍ରିନାଥ ମାଝୀ, ରମେଶ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article