ପିପିଲି :ଷଷ୍ଠ ରାଜ୍ୟ ପୁସ୍ତକ ମେଳାରେ କାବ୍ୟଲୋକ ପ୍ରକାଶନୀ ଦ୍ୱାରା ଆୟୋଜିତ ପୁସ୍ତକ ଲୋକାର୍ପଣ ଉତ୍ସବରେ ପିପିଲ ବ୍ଲକ ଅନ୍ତର୍ଗତ ଦାଣ୍ଡମୁକୁନ୍ଦପୁର ଅଞ୍ଚଳର ଅବସରପ୍ରାପ୍ତ ପ୍ରଧାନଶିକ୍ଷକ ତଥା ସୁସାହିତ୍ୟିକ ଓ ସ୍ତମ୍ଭକାର ଅର୍ଜୁନ ଘଡେଇଙ୍କ ଦ୍ୱାରା ରଚିତ ଶିଶୁ ଓ କିଶୋର ନାଟକ ‘ପୂଜା ଫୁଲ’ ଲୋକାର୍ପିତ ହୋଇଛି।
ଡକ୍ଟର ଫଣୀନ୍ଦ୍ର ଭୂଷଣ ନନ୍ଦଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ଭାବେ କବି ଡକ୍ଟର ହୃଷୀକେଶ ମଲ୍ଲିକ, ପ୍ରାଧ୍ୟାପିକା ଡକ୍ଟର ହେନେରିଟା ମିଶ୍ର ପ୍ରମୁଖ ଯୋଗଦେଇ ଉକ୍ତ ପୁସ୍ତକକୁ ଲୋକାର୍ପିତ କରିଥିଲେ। ଶ୍ରୀ ଘଡେଇଙ୍କର ଏହା ଷଷ୍ଠ ଶିଶୁ ନାଟକ ଅଟେ। ପୂର୍ବରୁ ଏହା ବିଭିନ୍ନ ସ୍ଥାନରେ ମଞ୍ଚସ୍ଥ ହୋଇ ଦର୍ଶକମାନଙ୍କ ଦ୍ୱାରା ଆଦୃତ ହୋଇଛି। ସାମାଜିକ ପୃଷ୍ଠଭୂମିରେ ଛାତ୍ରଛାତ୍ରୀଙ୍କ ମନକୁ ଆନନ୍ଦ ଓ ଆକର୍ଷିତ କରିବା ପାଇଁ ନାଟକରେ ସଫଳ ପ୍ରଚେଷ୍ଟା କରାଯାଇଥିବା ସଂପର୍କରେ ଅତିଥିମାନେ ମତବ୍ୟକ୍ତ କରିଥିଲେ।
Comments are closed.