ପିପିଲି :ପିପିଲି ପୌରାଞ୍ଚଳ ଅନ୍ତର୍ଗତ ଖଣ୍ଡିଆଗିରି ନିକଟରେ ଥିବା ଏକ ଉଚ୍ଚ ଶକ୍ତି ସଂପନ୍ନ ୧୧କେଭି ବିଦ୍ୟୁତ୍ ଖୁଣ୍ଟି ବର୍ଷାରେ ଉପୁଡି ପଡିଛି । ଫଳରେ ଶୁକ୍ରବାର ରାତିରେ ଦେଢ ଘଣ୍ଟା ପାଇଁ ସ୍ଥାନୀୟ ଅଞ୍ଚଳରେ ବିଦ୍ୟୁତ୍ ସରବରାହ ପ୍ରଭାବିତ ହୋଇଥିଲା । ପିପିଲି ଓ ଏହାର ଆଖପାଖ ଅଞ୍ଚଳରେ ଶୁକ୍ରବାର ରାତିରେ ପ୍ରବଳ ବର୍ଷା ହୋଇଥିଲା । ଏଥିରେ ଖଣ୍ଡିଆଗିରି ଗ୍ରାମ୍ୟ ଛକଠାରୁ ଦାଣ୍ଡମୁକୁନ୍ଦପୁର ଅଞ୍ଚଳକୁ ଯାଇଥିବା ୧୧କେଭି ବିଦ୍ୟୁତ୍ ଲାଇନ୍ର ଖଣ୍ଡିଆଶଙ୍ଖ ନିକଟରେ ରାସ୍ତା କଡରେ ଥିବା ଏକ ଖୁଣ୍ଟି ଉପୁଡି ପଡିଥିଲା । ପ୍ରବଳ ବର୍ଷା ଯୋଗୁଁ ବିଦ୍ୟୁତ୍ ଖୁଣ୍ଟି ମୂଳରୁ ମାଟି ଧୋଇଯିବା ଫଳରେ ଖୁଣ୍ଟିଟି ସଂପୂର୍ଣ୍ଣ ଭାବେ ଉପୁଡି ତଳେ ପଡିଥିଲା । ଏଥିଯୋଗୁଁ ପିପିଲି ପୌରାଞ୍ଚଳର କେତେକ ଅଞ୍ଚଳ ସମେତ ଦାଣ୍ଡମୁକୁନ୍ଦପୁର, ନୂଆଶାସନ, ଚଉଦମାଣ ଆଦି ଅଞ୍ଚଳରେ ବିଦ୍ୟୁତ୍ ସରବରାହ ପ୍ରଭାବିତ ହୋଇଥିଲା । ପିପିଲିରୁ ଦାଣ୍ଡମୁକୁନ୍ଦପୁର ଅଞ୍ଚଳକୁ ଯାଇଥିବା ଅନ୍ୟ ଏକ ବିକଳ୍ପ ୧୧କେଭି ବିଦ୍ୟୁତ୍ ଲାଇନ ଯୋଗେ ବିଦ୍ୟୁତ୍ ପରିବହନ କରାଯିବା ପରେ ବିଦ୍ୟୁତ୍ ସରବରାହ ସ୍ୱାଭାବିକ ହୋଇଥିଲା । ଟିପିସିଓଡିଏଲ୍ ପକ୍ଷରୁ ଶନିବାର ସକାଳେ ଉପୁଡି ପଡିଥିବା ବିଦ୍ୟୁତ୍ ଖୁଣ୍ଟିର ମରାମତି କରାଯାଇଥିଲା ।
Popular Categories
Previous article
Next article