ପାଟଣା : କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ୪୯ ନମ୍ବର ଜାତୀୟ ରାଜପଥ ବାଉଁଶୁଳୀ ଛକ ନିକଟରେ ଆଜି ବିଳମ୍ୱିତ ସନ୍ଧ୍ୟାରେ ଏକ ଟ୍ରକ ଗୋଟିଏ ବଳଦକୁ ଧକ୍କା ଦେଇ ମାରିବା ପରେ ଗୋଟିଏ ବିଦେଶୀ ମଦ ବୋଝେଇ ପିକଅପକୁ ମୁହାଁ ମୁହିଁ ଧକ୍କା ଦେଇଥିଲା। ଫଳରେ ମଦ ବୋଝେଇ ପିକ୍ଅପ ଭ୍ୟାନଟି ରାଜପଥ ଉପରେ ଓଲଟି ପଡ଼ିଥିଲା। ଏହାପରେ ରାଜପଥରେ ମଦ ବୋତଲ ଭାଙ୍ଗି ସମ୍ପୂର୍ଣ୍ଣ ରାଜପଥ ମଦମୟ ହେବା ସହ ରାସ୍ତା ସାରା କାଚ ଭର୍ତ୍ତି ହୋଇ ପଡ଼ିଥିଲା। ଦୁର୍ଘଟଣା ପରେ ଲୋକେ ବଳକା ବିଦେଶୀ ମଦ ପେଟିକୁ ବୋହି ନେଇଯାଇଥିଲେ । ଉଖୁଣ୍ଡା ବିଦେଶୀ ମଦ କାଉଣ୍ଟରକୁ ବିଦେଶୀ ମଦ ଆସୁଥିବା ସମୟରେ ଏହି ଦୁର୍ଘଟଣା ଘଟିଛି। ଘଟଣାସ୍ଥଳରେ ତୁରୁମୁଙ୍ଗା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
