ଫୁଲବାଣୀ: କନ୍ଧମାଳ ଜିଲା ଫୁଲବାଣୀ ବ୍ଳକର କଟ୍ରିଙ୍ଗିିଆ ସ୍ଥିତ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ଠାରେ ସୋମବାର ପଜିଟିଭ୍ ଚିହ୍ନଟ ଗର୍ଭବତୀଙ୍କର ସୁରକ୍ଷିତ ଭାବେ ପ୍ରସବ କରାଯାଇଛି। ମହିଳା ଜଣକ ଏକ ଶିଶୁ କନ୍ୟା ଜନ୍ମ ଦେଇଥିବା ବେଳେ ଉଭୟଙ୍କୁ ଅଧିକ ଚିକିତ୍ସା ଓ ଯତ୍ନ ପାଇଁ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ରିପୋର୍ଟ ପ୍ରକାରେ ଉଭୟ ସୁସ୍ଥଥିବା ପ୍ରକାଶ।
ଖବର ପ୍ରକାରେ, କଟ୍ରିଙ୍ଗିଆ ସ୍ଥିତ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ରକୁ ଜାମଝରୀ ଅଞ୍ଚଳର ଜନୈକା ମହିଳା ପ୍ରସବ ପାଇଁ ଆସିଥିବା ବେଳେ ପ୍ରାରମ୍ଭରେ ତାଙ୍କର କରୋନା ପରୀକ୍ଷା କରାଯାଇଥିବା ବେଳେ ସେ ପଜିଟିଭ୍ ଚିହ୍ନଟ ହୋଇଥିଲେ। ମହିଳା ଜଣକ ପଜିଟିଭ୍ ଚିହ୍ନଟ ହୋଇଥିଲେ ମଧ୍ୟ ଉକ୍ତ କେନ୍ଦ୍ରର ଭାରପ୍ରାପ୍ତ ଅଧିକାରୀ ଡା.ପିୟୁସ୍ ମୋହନ ସାମିଲ୍ ନିଜେ ଦାୟିତ୍ୱ ନେଇ ଫାର୍ମାସିଷ୍ଟ ତ୍ରିଲୋଚନ ପଲାଇ ଓ ଷ୍ଟାର୍ଫ ନର୍ସ ସୁଭଶ୍ରୀ ବେହେରାଙ୍କ ସହଯୋଗରେ ସୁରକ୍ଷିତ ଭାବେ ପ୍ରସବ କରାଇଛନ୍ତି। ଉକ୍ତ କେନ୍ଦ୍ରର ଡ଼ାକ୍ତର ଓ ଅନ୍ୟ କର୍ମଚାରୀ ମାନଙ୍କର ସହଯୋଗ ପାଇଁ ମହିଳାଙ୍କ ପରିବାର ଓ ଗ୍ରାମବାସୀ ମାନେ ସାଧୁବାଦ ଜଣାଇଛନ୍ତି।
Comments are closed.