ଗଞ୍ଜେଇ ସହ ବୋଲେରୋ ପିକଅପ ଜବତ, ଜଣେ ଗିରଫ

ଫୁଲବାଣୀ: ଫୁଲବାଣୀ ସଦର ଅବକାରୀ ବିଭାଗ ଆଜି ସକାଳେ ପାଟ୍ରୋଲିଂ ସମୟରେ ଫୁଲବାଣୀ ସହର ଅନ୍ତର୍ଗତ ପଟାବାଲି ସାହି ଶଙ୍ଖ ଉପରେ ଗୋଟିଏ ବୋଲେରୋ ପିକଅପକୁ ଅଟକାଇ ଯାଞ୍ଚ କରିଥିଲେ। ଯାଞ୍ଚ ସମୟରେ ସେହି ବୋଲେରୋ ପିକଅପରୁ ୫୦କିଲୋ ଗଞ୍ଜେଇ ବାହାରି ଥିଲା। ଏହି ଘଟଣାରେ ଜଣେ ଯୁବକକୁ ପୁଲିସ ଗିରଫ କରିଛନ୍ତି। ଉକ୍ତ ଯୁବକ ଜଣକ ହେଲେ କନ୍ଧମାଳ ଜିଲା ଅନ୍ତର୍ଗତ ଖଜୁରୀପଡା ଥାନା ଅଞ୍ଚଳ ବଇକୁମ୍ପା ଗ୍ରାମର ହେମନ୍ତ ଦିଗାଲ।

ମିଳିଥିବା ସୁଚନା ଅନୁସାରେ ଗଞ୍ଜେଇ ଚାଲାଣ ହେଉଥିବା ନେଇ କୌଣସି ସୂତ୍ରରୁ ଖବର ପାଇ ଫୁଲବାଣୀ ସଦର ଅବକାରୀ ବିଭାଗର କର୍ମଚାରୀ ମାନେ ଆଜି ସକାଳେ ପାଟ୍ରୋଲିଂ କରୁଥିଲେ। ଫୁଲବାଣୀ ସହର ଅନ୍ତର୍ଗତ ପଟାବାଲି ସାହି ଶଙ୍ଖ ଉପରେ ଗୋଟିଏ ବୋଲେରୋ ପିକଅପକୁ ସନ୍ଦେହରେ ଯାଞ୍ଚ କରିବାରୁ ସେଠାରୁ ୫୦କିଲୋ ଗଞ୍ଜେଇ ବାହାରି ଥିଲା। ଏନେଇ ଫୁଲବାଣୀ ସଦର ଅବକାରୀ ବିଭାଗ ପକ୍ଷରୁ ୧୩/୨୦୨୩/୨୪ ଏକ ମାମଲା ରୁଜ୍ଜୁ ସହ ଅଭିଯୁକ୍ତ ଯୁବକକୁ କୋର୍ଟ ଚାଲାଣ କରିଛି।

ଅବକାରୀ ଇନ୍ସପେକ୍ଟର ଶ୍ରୀଧର ହେମ୍ବ୍ରମଙ୍କ ନେତୃତ୍ୱରେ ଆସିଷ୍ଟାଣ୍ଟ ସବ ଇନ୍ସପେକ୍ଟର ଭୃଗୁପତି ଦିଗାଲ, ଆସିଷ୍ଟାଣ୍ଟ ସବ ଇନ୍ସପେକ୍ଟର ପ୍ରଦୀପ କୁମାର ମଲ୍ଲିକ, ଆସିଷ୍ଟାଣ୍ଟ ସବ ଇନ୍ସପେକ୍ଟର ସୁଜିତ କୁମାର ମଲ୍ଲିକ ସହ ଅବକାରୀ କନେଷ୍ଟବଳ ସଦାଶିବ ରଣା ଏବଂ ଅଜୟ କୁମାର ସାହୁ ପ୍ରମୁଖ ଏହି ଅଭିଯାନରେ ସାମିଲ ଥିଲେ।

Comments are closed.