ପାତ୍ରପୁର : ପାତ୍ରପୁର ବ୍ଳକର ଜଣେ ଦାଦନ ଆଦିବାସୀ ଶ୍ରମିକର ବେଙ୍ଗାଲୁରୁରେ ମୃତ୍ୟୁ ଘଟିଛି। ତିନିଦିନ ପରେ ଶବ ପହଞ୍ଚିବା ପରେ ରାସ୍ତା ନଥିବାରୁ ଜଙ୍ଗଲ ପଥରେ ଆଠ କିଲୋମିଟର ସାଙ୍ଗି ଭାରରେ ବୋହି ନେଇ ସତ୍କାର କରାଯାଇ ଥିବା ଜଣାପଡ଼ିଛି। ମୃତ ଯୁବକ ଜଣକ ହେଉଛନ୍ତି ବୁରାତାଲ ପଞ୍ଚାୟତ କୁଶମଳା ଗ୍ରାମର ଚନ୍ଦ୍ର କାର୍ଜିଙ୍କ ପୁଅ ହରି କାର୍ଜି୨୨ ବୋଲି ଜଣା ପଡିଛି। ହରି ଦୁଇ ମାସ ତଳେ କାମ କରିବାକୁ ବେଙ୍ଗାଲୁରୁ ଯାଇଥିବା ବେଳେ ଏକ ପଥର ଖାନନରେ କାମ କରୁଥିଲେ । ଗତ ସୋମବାର ଦିନ ସେ କାମ କରୁଥିବା ଗାଡ଼ିଟି ଦୁର୍ଘଟଣା ଗସ୍ତ ହୋଇ ତିରିଶି ଫୁଟ ଖାଲକୁ ଖସି ପଡ଼ି ଥିଲା। ତୁରନ୍ତ କମ୍ପାନୀ ପକ୍ଷରୁ ନିକଟ ଡାକ୍ତରଖାନାକୁ ନେଇ ଥିବା ବେଳେ ଡାକ୍ତର ମୃତ ଘୋଷଣା କରିଥିଲେ। ଏହି ଖବର ପହଞ୍ଚିବା ପରେ ସାଙ୍ଗ ମାନେ ଡାକ୍ତର ଖାନାକୁ ଯିବା ପରେ ଶବ ବ୍ୟବଚ୍ଛେଦ କରି ଏକ ଆମ୍ବୁଲାନ୍ସ ଯୋଗେ ଗତ କାଲି ପାହାଡ ତଳ ବାତରା ସାହି ନିକଟରେ ପହଞ୍ଚି ଥିଲା।ଗ୍ରାମକୁ ରାସ୍ତା ନଥିବାରୁ ମୃତ ଦେହକୁ ସାଙ୍ଗିଭାରରେ ପ୍ରାୟ ଆଠ କିଲୋମିଟର ବୋହି ନେଇ ସତ୍କାର କରାଯାଇଥିଲା। ହରିଙ୍କର ଗୋଟିଏ ଏକ ବର୍ଷର ପୁଅ ଥିବା ବେଳେ ତାଙ୍କର ମୃତ୍ୟୁରେ ପରିବାର ଭାଙ୍ଗି ପଡିଛନ୍ତି ।ସରକାର ଏହି ଗରିବ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ନିବେଦନ କରିଛନ୍ତି।
Popular Categories
Previous article
Next article