ପାତ୍ରପୁର: ପାତ୍ରପୁର ବ୍ଳକ ମନ୍ଦରଡା ଏବଂ କନିରିଡା ଗ୍ରାମ ନିକଟରେ ବଜ୍ରପାତ ଘଟି ଦୁଇ ଜଣଙ୍କ ମୃତ୍ୟୁ ହୋଇଥିବବେଳେ ତିନିଜଣ ଗୁରୁତର ଆହତ ହୋଇ ଥିବା ଜଣାଯାଇଛି। ମନ୍ଦରଡା ଗ୍ରାମ ନିକଟ ବରିହାଗୁଡା ପଦର ନିକଟରେ ଛେଳି ଚରାଉ ଥିବା ବେଳେ କାଳ ବୈଶାଖୀ ସହ ବଜ୍ରପାତ ଘଟିଥିଲା। ଏଥିରେ ଛେଳି ଜଗିଥିବା ହରିଗୌଡ ୫୦ବର୍ଷ ଙ୍କ ମୃତ୍ୟୁ ହୋଇଥିବା ବେଳେ କେଦାର ଗୌଡ଼ ୨୭ଗୁରୁତର ଆହତ ହୋଇଥିଲେ।
ସେହିପରି ଶୁରଙ୍ଗୀ ପଂଚାୟତ କନିରିଡା ଗ୍ରାମ ନିକଟ ଏକ ତୋଟା ରେ କାଳ ବୈଶାଖୀକୁ ଦେଖି ଆଶ୍ରୟ ନେଇଥିବା ଖାରିଆ ଗୁଡା ପଂଚାୟତ ମଦୁକା ବାଡ ଗ୍ରାମର ରୂପ ଶବର ୧୫ବର୍ଷଙ୍କ ବଜ୍ରାପାତରେ ମୃତ୍ୟୁ ହୋଇ ଥିଲା। ତାଙ୍କ ପାଖରେ ଥିବା ସୂରଙ୍ଗୀ ପଞ୍ଚାୟତ କରପଡା ଗ୍ରାମର ତାଙ୍କ ମାମୁଁ ମୀନ ଶବର ୪୦ ଏବଂ ମାମୁଁଙ୍କ ୧୦ବର୍ଷର ପୁଅ ଥବିର ଗୁରୁତର ଆହତ ହୋଇଥିଲେ। ତୁରନ୍ତ ସମସ୍ତଙ୍କୁ ଚିକିତ୍ସା ପାଇଁ ୧୦୮ଯୋଗେ ପାତ୍ରପୁର ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଛି। ଜରଡା ପୁଲିସ୍ ପହଞ୍ଚି ମୃତ ଦେହ ଜବତ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛି। ସମସ୍ତ ବ୍ୟକ୍ତି ଗରିବ ଶ୍ରେଣୀର ହୋଇ ଥିବା ବେଳେ ସରକାରୀ ସହାୟତା ଯୋଗାଇ ଦେବାକୁ ଦାବୀ ହେଉଛି।
Comments are closed.