ପାଟଣା- କେନ୍ଦୁଝର ଜିଲ୍ଲା ପାଟଣା ଥାନା ସାହାରପଡା ବ୍ଲକ ଅନ୍ତର୍ଗତ ଧାନବେଣୀ ଗ୍ରାମରେ ଚାଷ ଜମିରୁ ଧାନ ବିଡା ରାତିରେ ଚୋରି ହେଉଥିଲା । ଧାନ ଚୋରି କିଏ କରୁଛି ଗ୍ରାମବାସୀ ମାନେ ଜାଣି ପାରୁନଥିଲେ । ଏନେଇ ଗ୍ରାମବାସୀ ସୋମବାର ରାତି ସମୟରେ ଜଗିବସି ଥିବାବେଳେ ଧାନ ଚୋରି କରୁଥିବା ଚୋରକୁ କାବୁ କରିଥିଲେ।
ଗ୍ରାମବାସୀ ମାନେ ତୁରନ୍ତ ପାଟଣା ଥାନାକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପାଟଣା ପୁଲିସ୍ ପହଂଚି ଉତ୍ତମ ମଧ୍ୟମ ଖାଇଥିବା ଚୋରକୁ ଉଦ୍ଧାର କରି ପାଟଣା ମେଡିକାଲରେ ଭର୍ତ୍ତି କରିଥିଲେ। ତେବେ ଚୋର ଜଣକ ନିଜର ସମ୍ପର୍କୀୟ ହୋଇଥିବାରୁ କେହି ମାମଲା ଦାୟର କରିନଥିଲେ ।
