ପାଟଣା : ଢେଙ୍କିକୋଟ ଫାଣ୍ଡି ଅନ୍ତର୍ଗତ ୨୦ନଂ ଜାତୀୟ ରାଜପଥର ପିପିଳିଆ ନିକଟରେ ପୂର୍ବାହ୍ନ ୧୧ ଟା ୩୦ ରେ କେନ୍ଦୁଝରରୁ ଘଟଗାଁ ଆଡକୁ ବାଇକ୍ ଯୋଗେ ତାଳଚେରର ଦୀପକ ଶର୍ମା ନାମକ ଜଣେ ଯୁବକ ଯାଉଥିବା ସମୟରେ ବାଇକ୍ ଟି ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଛି। ଦୁର୍ଘଟଣାରେ ଦୀପକଙ୍କ ମୁଣ୍ଡ ମାଡ଼ ହୋଇ ପ୍ରବଳ ରକ୍ତ ସ୍ରାବ ହେବା ସହ ସେ ଘଟଣା ସ୍ଥଳରେ ଗୁରୁତର ହୋଇପଡିଥିଲେ। ଦୁର୍ଘଟଣାସ୍ଥଳ ନିକଟରେ ଘର କରି ରହୁଥିବା ଆଶାକର୍ମୀ ସାବିତ୍ରୀ ମହାନ୍ତ ସେଠାକୁ ଆସି ଦୀପକଙ୍କ ମୁଣ୍ଡ ମୁହଁକୁ କପଡ଼ା ରେ ବାନ୍ଧି ତାଙ୍କୁ ଖଣ୍ଟଘର ଟିକସ ଫାଟକ ଗାଡିରେ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି। ସେହି ସମୟରେ ରାସ୍ତାରେ ଯାଉଥିବା ଯୁବ ବିଜେଡ଼ି ସଭାପତି ଏସକେ ଇମରାନ ଦୁର୍ଘଟଣା ଗ୍ରସ୍ତଙ୍କୁ ଡାକ୍ତରଖାନା ପଠାଇବାରେ ସହଯୋଗ କରିଥିଲେ।
Comments are closed.