ନ୍ୟୁୟର୍କ : ମଇ ୧୫ ପରେ ନ୍ୟୁୟର୍କରୁ ତାଲାବନ୍ଦ ଆଂଶିକ ପ୍ରତ୍ୟାହାର ହେବ ବୋଲି କହିଛନ୍ତି ସେଠାକାର ଗଭର୍ଣ୍ଣର ଆଣ୍ଡ୍ର୍ୟୁ କୁମୋ । ଆମେରିକାରେ ସର୍ବାଧିକ କରୋନା ସଂକ୍ରମିତ ଅଞ୍ଚଳ ଭାବେ ପରିଚିତ ଏହି ପ୍ରଦେଶରେ ପ୍ରାୟ ୧୭ହଜାର ଲୋକଙ୍କ ପ୍ରାଣହାନି ଘଟିଛି। ମଇ ୧୫ ପରେ ଏହାର ଉତ୍ତରାଞ୍ଚଳରେ ପ୍ରଥମେ ନିର୍ମାଣ କାର୍ଯ୍ୟ ଆରମ୍ଭ କରାଯିବ ବୋଲି କୁମୋ କହିଛନ୍ତି। ପରବର୍ତ୍ତୀ ସମୟରେ ଦେଶର ସର୍ବାଧିକ ପ୍ରଭାବିତ ନ୍ୟୁୟର୍କ ମହାନଗରୀ ସମେତ ନ୍ୟୁଜର୍ସିରେ ତାଲାବନ୍ଦ କୋହଳ କରାଯିବା ସମ୍ପର୍କରେ ବିଚାର କରାଯିବ ବୋଲି ଜଣେ ସରକାରୀ ମୁଖପାତ୍ର ସୂଚନା ଦେଇଛନ୍ତି।
Popular Categories


