ନୂଆଦିଲ୍ଲୀ: ଭାରତୀୟ ରେଳବାଇ ନାମରେ ଅଭିଯୋଗ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପାଖରେ ପହଞ୍ଚିଛି। ପାଲମ ଷ୍ଟେସନରେ ଚେତକ ଏକ୍ସପ୍ରେସର ସ୍ୱଳ୍ପ ରହଣି ଦାବିରେ ଦୈନିକ ଟ୍ରେନ ଯାତ୍ରୀ ସଂଘ ଟ୍ରମ୍ପଙ୍କୁ ଚିଠି ଲେଖିଛନ୍ତି। ଦୀର୍ଘ ବର୍ଷ ଧରି ସେମାନଙ୍କ ଏହି ଦାବି ପୂରଣ କରାଯାଉ ନଥିବାରୁ ଟ୍ରମ୍ପଙ୍କ ହସ୍ତକ୍ଷେପ ଆବେଦନ କରିଛନ୍ତି ଯାତ୍ରୀ ସଂଘ। ଟ୍ୱିଟ୍ ମାଧ୍ୟରେ ଟ୍ରମ୍ପଙ୍କୁ ଏହି ଚିଠିକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିବାରେ ଲାଗିଛି।
ଚେତକ ଏକ୍ସପ୍ରେସ ଦିଲ୍ଲୀର ସରାୟ ରୋହିଲ୍ଲାରୁ ଉଦୟପୁର ଗସ୍ତ କରୁଛି। ସରାୟ ରୋହିଲ୍ଲାରୁ ଯାତ୍ରା ଆରମ୍ଭ କରି ଏହି ଟ୍ରେନ ଦିଲ୍ଲୀ କୌଟ ରେଳ ଷ୍ଟେସନରେ ସ୍ୱଳ୍ପ ସମୟ ପାଇଁ ରହିଣି କରେ। ଏହା ପରେ ଏହି ଟ୍ରେନ ଗୁରୁଗ୍ରାମ ଷ୍ଟେସନରେ ମଧ୍ୟ କିଛି ସମୟ ପାଇଁ ରହିଥାଏ। ଏହି ଟ୍ରେନରେ ଯାତ୍ରା କରୁଥିବା ଦୈନିକ ଟ୍ରେନ ଯାତ୍ରୀ ସଂଘ ଉକ୍ତ ଏକ୍ସପ୍ରେସ ଟ୍ରେନ ୨ମିନିଟ ପାଇଁ ପାଲମ ଷ୍ଟେସନରେ ମଧ୍ୟ ରହଣି ଦାବି କରିଛନ୍ତି। ଏହି ଦାବି ନେଇ ଏକାଧିକ ଥର ଉକ୍ତ ସଂଘ ପକ୍ଷରୁ ପ୍ରଧାନମନ୍ତ୍ରୀ, ମୁଖ୍ୟମନ୍ତ୍ରୀ ଓ ରେଳବାଇ ମନ୍ତ୍ରୀଙ୍କୁ ଚିଠି ଲେଖିଛନ୍ତି। ଏହି ଷ୍ଟେସନକୁ ଲାଗି ଦିଲ୍ଲୀର ଏକାଧିକ ବିଧାନସଭା ନିର୍ବାଚନ କ୍ଷେତ୍ର ରହିଛି। ଦ୍ୱରକା ନିର୍ବାଚନ କ୍ଷେତ୍ର ମଧ୍ୟ ଏହି ଷ୍ଟେସନ ସଂଲଗ୍ନ। ଭାରତୀୟ ବ୍ୟବସ୍ଥାରେ ସଂଘର ଦାବି ପୂରଣ ନହେବାରୁ ଶେଷରେ ଏହାକୁ ୍ରଆମେରିକା ରାଷ୍ଟ୍ରପତିଙ୍କ ନିକଟକୁ ପହଞ୍ଚାଇବା ଉଚିତ ମଣିଛି ସଂଘ।
@realDonaldTrump सर भारत मे दिल्ली रेवाड़ी रुट पालम रेलवे स्टेशन आता है इस स्टेशन पर चेतक एक्सप्रेस (12981- 12982) का ठहराव नही हुआ है रेल मंत्री और रेलवे अधिकारी को भी काफी लिखा है एक बार रेल मंत्री जी को लिखे शायद कुछ हो जाए।
बालकृष्ण अमरसारिया
दिल्ली, भारत— बालकृष्ण अमरसारिया (@BalkrishanAmar3) November 11, 2018