ଲଣ୍ଡନ .- ପାଇଲଟ ଓ ବିମାନ କର୍ମଚାରୀଙ୍କ ମଧ୍ୟରେ ଝଗଡା ହେବାରୁ ପାକିସ୍ତାନ ଅନ୍ତର୍ଜାତୀୟ ବିମାନ ସଂସ୍ଥାର ଏକ ବିମାନ ଲଣ୍ଡନ ଅନ୍ତର୍ଜାତୀୟ ବିମାନ ବନ୍ଦରରେ ୩ ଘଣ୍ଟା ଧରି ଅଟକି ରହିଥିଲା । ପାଇଲଟ ଓ କର୍ମଚାରୀଙ୍କ ମଧ୍ୟରେ ଝଗଡା ହେବାରୁ ପାଇଲଟ୍ ବିମାନ ଚଳାଇବା ପାଇଁ ମନା କରିଦେଇଥିଲେ । ଏହାପରେ ଯାତ୍ରୀମାନେ ଏହାର ବିରୋଧ କରିବା ଆରମ୍ଭ କରିଥିଲେ । ଯାତ୍ରୀମାନେ ଏହାର ବିରୋଧ କରିବାରୁ ୩ ଘଣ୍ଟା ବିଳମ୍ବରେ ବିମାନ ଛାଡିଥିଲା ।
ରବିବାର ରାତି ୯ଟାରେ ଏହି ବିମାନ ଛାଡିବାର ଥିଲା । ମାତ୍ର ପାଇଲଟ ଏହି କର୍ମଚାରୀ ଜଣଙ୍କ ଆଗରୁ ଏକ ଚୋରା ଚାଲାଣରେ ଅଭିଯୁକ୍ତ ଥିବାରୁ ତାଙ୍କ ସହ ଉଡାଣ ଭରିବା ପାଇଁ ମନା କରି ଦେଇଥିଲେ । ୩ ଘଣ୍ଟା ବିଳମ୍ବ ହେବାରୁ ଯାତ୍ରୀମାନେ ଛିଡା ହୋଇ ସ୍ଲୋଗାନ ଦେବା ସହ ବିକ୍ଷୋଭ ପ୍ରଦର୍ଶନ କରିଥିଲେ । ଏହାପରେ ବିମାନଟି ରାତି ୧୨ ଟାରେ ବିମାନ ବନ୍ଦର ଛାଡିଥିଲା । ଏବେ ପାକିସ୍ତାନ ବିମାନ କର୍ତ୍ତୃପକ୍ଷ ଏହି ଘଟଣାର ତଦନ୍ତ କରୁଛନ୍ତି ।