ଚଳିତ ଖରିଫ୍ ଋତୁରେ ସରକାରଙ୍କ ଦ୍ୱାରା ୭୬ ଲକ୍ଷ ଟନ୍ ଧାନ ସଂଗ୍ରହ କରାଯାଇଛି। ୬ ଲକ୍ଷ ୬୯ ହଜାରରୁ ଅଧିକ କୃଷକଙ୍କଠାରୁ ଏହି ଧାନ ସଂଗ୍ରହ କରାଯାଇଛି। କୃଷି ମନ୍ତ୍ରଣାଳୟରୁ ମିଳିଥିବା ସୂଚନା ଅନୁଯାୟୀ,ସରକାର ସର୍ବନିମ୍ନ ସହାୟତା ମୂଲ୍ୟ ଦେଇ କୃଷକମାନଙ୍କଠାରୁ ଧାନ ସଂଗ୍ରହ କରିବା ଜାରି ରଖିଛନ୍ତି। ଏପର୍ଯ୍ୟନ୍ତ ଏ ବାବଦରେ କୃଷକମାନଙ୍କୁ ୧୪ ହଜାର ୪୯୫ କୋଟି ଟଙ୍କା ଦିଆଯାଇଛି।
ରାଜ୍ୟଗୁଡ଼ିକରୁ ମିଳିଥିବା ପ୍ରସ୍ତାବକୁ ଭିତ୍ତିକରି ୪୧ ଲକ୍ଷ ଟନ୍ ଡାଲିଜାତୀୟ ଶସ୍ୟ ଓ ତୈଳବୀଜ ସଂଗ୍ରହ ପାଇଁ ଅନୁମୋଦନ କରାଯାଇଥିବା ମନ୍ତ୍ରଣାଳୟ କହିଛି। ଏହିସବୁ ଶସ୍ୟ ତାମିଲନାଡୁ, କର୍ଣ୍ଣାଟକ, ମହାରାଷ୍ଟ୍ର, ତେଲେଙ୍ଗାନା, ଗୁଜୁରାଟ, ହରିୟାଣା, ଉତ୍ତରପ୍ରଦେଶ, ଓଡ଼ିଶା, ରାଜସ୍ତାନ ଓ ଆନ୍ଧ୍ରପ୍ରଦେଶରୁ ସଂଗ୍ରହ କରାଯିବ। ସରକାର ନୋଡାଲ ଏଜେନ୍ସୀ ମାଧ୍ୟମରେ ସର୍ବନିମ୍ନ ସହାୟକ ମୂଲ୍ୟ ପ୍ରଦାନ କରି ୭୨୩ ଟନ୍ ମୁଗ ଏବଂ ହରଡ଼ ସଂଗ୍ରହ କରିଛନ୍ତି। ତାମିଲନାଡୁ, ମହାରାଷ୍ଟ୍ର ଏବଂ ହରିୟାଣାର ୬୮୧ ଜଣ ଚାଷୀଙ୍କଠାରୁ ସଂଗୃହୀତ ଏହି ଡାଲିଜାତୀୟ ଖାଦ୍ୟଶସ୍ୟ ବାବଦରେ ସରକାର ୫ କୋଟି ୨୧ ଲକ୍ଷ ଟଙ୍କା ପ୍ରଦାନ କରିଛନ୍ତି। ୨୦୨୦-୨୧ ଖରିଫ ଋତୁ ପାଇଁ କପା ଗତ ପହିଲାରୁ ସଂଗ୍ରହ କରାଯାଉଛି।
