ପ୍ରୟାଗରାଜ (ଉତ୍ତରପ୍ରଦେଶ): ଆତଙ୍କବାଦୀ ବୋଲି ସନ୍ଦେହ କରାଯାଉଥିବା ହୁମାଇଦୁର ରହମନ ପ୍ରୟାଗରାଜର କରେଲି ଥାନାରେ ଆତ୍ମସମର୍ପଣ କରିଛି। ତାକୁ ଉତ୍ତର ପ୍ରଦେଶର ଆତଙ୍କବାଦ ନିରୋଧୀ ସ୍କ୍ୱାଡ (ଏଟିଏସ) ଖୋଜୁଥିଲା। ନିକଟରେ ଦିଲ୍ଲୀ ପୁଲିସର ସ୍ୱତନ୍ତ୍ର ପ୍ରକୋଷ୍ଠ ଦ୍ୱାରା ଗିରଫ କରାଯାଇଥିବା ଆତଙ୍କିଙ୍କ ସହିତ ସଂପୃକ୍ତ ଥିବା ଅଭିଯୋଗରେ ରହମନକୁ ଖୋଜାଯାଉଥିଲା। ପୁଲିସ ସୂତ୍ରରୁ କୁହାଯାଇଛି ଯେ ଦିଲ୍ଲୀର ଜାମିଆ ନଗର ଅଞ୍ଚଳରୁ ଗିରଫ ଓସାମାର ନିକଟ ସମ୍ପର୍କୀୟ ଏବଂ ସେ ଉତ୍ତରପ୍ରଦେଶର ଲଖନଉରେ ଆତଙ୍କବାଦ ଅଭିଯୋଗରେ ଗିରଫ ଅମିର ଜାଭେଦର ଶ୍ୱଶୁର ବୋଲି ଜାଣିବାକୁ ମିଳିଛି। ତଦନ୍ତ ସମୟରେ ଓସାମା ଓ ଜିଶନ ତଦନ୍ତକାରୀଙ୍କ ନିକଟରେ କହିଥିଲେ ଯେ ସେମାନେ ରାସାୟନିକ ପଦାର୍ଥ ବ୍ୟବହାର କରି ଏକ ବିସ୍ଫୋରଣ ଘଟାଇବା ଯୋଜନା କରିଥିଲେ। ଇତିମଧ୍ୟରେ ମହାରାଷ୍ଟୃ ଏଟିଏସ ଏବଂ ମୁମ୍ବଇ ପୁଲିସର ମିଳିତ ଦଳ ଚଢଉ କରି ଯୋଗେଶ୍ୱରୀ ଅଞ୍ଚଳରୁ ଜଣେ ବ୍ୟକ୍ତିଙ୍କୁ ଗିରଫ କରିଛନ୍ତି।
Popular Categories
Previous article
Next article