ଗୁରୁଡିଝାଟିଆ : ଖୁଣ୍ଟୁଣୀ ଥାନା ଅନ୍ତର୍ଗତ ରାହାଙ୍ଗୁଳରେ ବାବୁଲା କାଲୁଣ୍ଡିଆ ନାମକ ଯୁବକର କଟୁରି ଚୋଟରେ ରଣଜିତ ଦେହୁରି ମୃତ୍ୟୁବରଣ କରିଛି । ଏ ନେଇ ଅଭିଯୁକ୍ତ ବାବୁଲାକୁ ପୁଲିସ ତା’ର ନିଜ ଗାଁ ଗୋବରା ପଞ୍ଚାୟତ ଖାକ୍ସାରୁ ଗିରଫ କରିଛି। ପୁଲିସର ସୁଚନା ମୁତାବକ ବାବୁଲା ରାଧାକୃଷ୍ଣପୁର ପଞ୍ଚାୟତର ଡାଳୁଆ ଠାରେ ଦିନ ମଜୁରିଆ ଭାବରେ କାମ କରୁଥିଲା। କାମ ସାରି ଦୈନିକ ମଜୁରୀ ନେଇ ନିଜର ଗାଁ ଖାକ୍ସାକୁ ଫେରୁଥିବା ବେଳେ ରାହାଙ୍ଗୂଳ ଗାଁର ରଣଜିତ ଦେହୁରି ସହ ଭେଟ ହୋଇଥିଲା। ରଣଜିତ କୌଶଳରେ ବାବୁଲାର ଟାଙ୍ଗିଆ ଓ ଫାଉଡାକୁ ନେଇଯିବା ସହ ମଜୁରି ଆଣିଥିବା କଛି ଟଙ୍କାକୁ ମଧ୍ୟ ନେଇ ପଳାଇଥିଲା। ନିରାଶ ହୋଇ ବାବୁଲା ଘରକୁ ଫେରୁଥିବା ବେଳେ ହଠାତ ରଣଜିତ ରାହାଙ୍ଗୁଳ ଗାଁ ମୁଣ୍ଡରେ ହାବୁଡରେ ପଡିଯାଇଥିଲା। ବାବୁଲା ରଣଜିତକୁ ଟାଙ୍ଗିଆ ଓ ନେଇଥିବା ମଜୁରି ଟଙ୍କା ଫେରାଇବାକୁ କହିଥିଲେ ମଧ୍ୟ ନଫେରାଇ ବାବୁଲାକୁ ମାଡ ମାରିଥିଲା। ଏଥିରେ ଉତକ୍ଷିପ୍ତ ହୋଇ ବାବୁଲା ହାତରେ ଧରିଥିବା କଟୁରିରେ ରଣଜିତକୁ ହାଣିଦେଇଥିଲା। ଫଳରେ ତାର ମୃତ୍ୟୁ ଘଟିଥିଲା।
Comments are closed.