ପାଟଣା: ପାଟଣା ବ୍ଲକ ଅନ୍ତର୍ଗତ କେନ୍ଦେଇପଶି ପଞ୍ଚାୟତ ଖୁଣ୍ଟାପଡା ଗ୍ରାମର ପୁରେନ୍ଦ୍ର ମହାନ୍ତ(୫୫) ଏବେ ଅସହାୟ ଜୀବନ ବିତାଉଛନ୍ତି। ପ୍ରାୟ ୪ ବର୍ଷ ତଳେ ଖୁଣ୍ଟାପଡା ଛକ ନିକଟ ଘରକୁ ରାସ୍ତା ଅପରପାର୍ଶ୍ବ ନଳକୂପରୁ ପାଣି ଆଣୁଥିବା ସମୟରେ ତାଙ୍କୁ ଏକ ବାଇକ୍ ଧକ୍କା ଦେଇଥିଲା । ଫଳରେ ତାଙ୍କର ଗୋଡ଼ ଭାଙ୍ଗି ଯାଇଥିଲା । ଦୁର୍ଘଟଣା ଘଟାଇଥିବା ବ୍ୟକ୍ତି ଜଣକ ତାଙ୍କର ଚିକିତ୍ସା କରାଇଥିଲେ ମଧ୍ୟ ସେ ସମ୍ପୂର୍ଣ ସୁସ୍ଥ ହୋଇ ନ ଥିଲେ । ଏବେ ତାଙ୍କ ଗୋଡ଼ ପଚି ଯାଇ ପୁଜ ବାହାରୁଥିବା ବେଳେ ସେ ନିଜେ ଚିକିତ୍ସା ପାଇଁ ଯାଇ ପାରୁ ନାହାନ୍ତି କି ଚିକିତ୍ସା ପାଇଁ ତାଙ୍କ ପାଖରେ ଅର୍ଥ ମଧ୍ୟ ନାହିଁ । ପୁରେନ୍ଦ୍ର ମହାନ୍ତଙ୍କୁ ତାଙ୍କ ପତ୍ନୀ ଛାଡ଼ି ଚାଲି ଯାଇଥିବା ବେଳେ ଏବେ ସେ ଖୁଣ୍ଟାପଡା ଛକରେ ଭଙ୍ଗା ଓ ପୁଜ ହୋଇଯାଇଥିବା ଗୋଡ଼କୁ ବୋହି ବୋହି ଯନ୍ତ୍ରଣା ଭିତରେ ଜୀବନ ବିତାଉଛନ୍ତି । ତାଙ୍କୁ ଚିକିତ୍ସା ଯୋଗାଇ ଦେବାକୁ ସେ ଅନ୍ୟମାନଙ୍କୁ ଅନୁରୋଧ କରୁଥିବା ଦେଖାଯାଉଛି । ଅସହାୟ ପୁରେନ୍ଦ୍ରଙ୍କୁ ଜିଲ୍ଲା ପ୍ରଶାସନ ପକ୍ଷରୁ ସ୍ବତନ୍ତ୍ର ଚିକିତ୍ସା ସେବା ଯୋଗାଇ ଦେବା ସହ ଆର୍ଥିକ ସହାୟତା ପ୍ରଦାନ କରାଯିବାକୁ ସାଧାରଣରେ ଦାବୀ ହୋଇଛି ।
Popular Categories
Previous article
Next article