ଡେସ୍କ: ଇସ୍ରାଏଲ୍ ସ୍ତିତ ଲେଚାଇଶରେ ଗବେଷକଦଳ ବିଭିନ୍ନ ପ୍ରାଚୀନ ଜିନିଷ ଭିତରେ ଗୋଟିଏ ଉକୁଣି ପାନିଆକୁ ଖୋଜି ପାଇଛନ୍ତି। ୨୦୧୭ରେ ସେମାନଙ୍କ ହାତକୁ ଏହି ପାନିଆ ଆସିଥିଲା। ହାତୀ ଦାନ୍ତର କୁନି ପାନିଆଟି ଉପରେ କୌଣସି ଏକ ଭାଷାରେ କିଛି ଲେଖାଯାଇଥିବା ଗବେଷକ ଦେଖିଲେ। ଅନୁଧ୍ୟାନ କରାଯିବା ପରେ ଏହା ପ୍ରାଚୀନ କେନାନାଇଟ୍ ଅକ୍ଷର ବୋଲି ଜଣାପଡ଼ିଲା। ୩୮୦୦ ବର୍ଷ ପୁରୁଣା ଏହି ପାନିଆ ଉପରେ ଲେଖାଯାଇଛି ‘ଆପଣଙ୍କ କେଶ ଓ ଦାଢ଼ିରୁ ଉକୁଣି ବାହାର କରିବାରେ ପାନିଆଟି ନିଶ୍ଚୟ କାମରେ ଆସିବ’। ପାନିଆର ଲମ୍ବ ୨.୫ ସେଣ୍ଟିମିଟର ଓ ପ୍ରସ୍ଥ ୩.୫ ସେଣ୍ଟିମିଟର। ଗବେଷକ ମୁଖ୍ୟ କହିଛନ୍ତି ଉକୁଣିର ଉପଦ୍ରବ ଏତେ ବର୍ଷ ତଳେ ମଧ୍ୟ ଥିଲା। ଫରକ୍ ଏତିକି ଯେ ଆଜିକାଲି ପ୍ଲାଷ୍ଟିକ୍, ଶିଙ୍ଗରେ ଉକୁଣି ପାନିଆ ମିଳୁଛି କିନ୍ତୁ ସେସମୟରେ ହାତୀ ଦାନ୍ତ ପାନିଆରେ ଲୋକେ କେଶ କୁଣ୍ଡାଉଥିଲେ।
Comments are closed.