ଭୁବନେଶ୍ୱର: ଗ୍ରାଜୁଏସନ କରିବା ପରେ ଆପଣ ଚାକିରି ନପାଇ ଘରେ ବସିଛନ୍ତି କି। ସରକାରୀ ଚାକିରି ପାଇଁ ପ୍ରସ୍ତୁତ ହେଉଥିବା ଗ୍ରାଜୁଏଟ୍ଙ୍କ ପାଇଁ ଓଡ଼ିଶାରେ ସୁବର୍ଣ୍ଣ ସୁଯୋଗ। ଓଡ଼ିଶା କର୍ମଚାରୀ ଚୟନ ଆୟୋଗ (OSSC) ପକ୍ଷରୁ ସୁଯୋଗ ଦିଆଯାଉଛି। ଓଡ଼ିଶାରେ ଜୁନିଅର ଏନଫୋସମେଣ୍ଟ ଅଫିସର ଏବଂ ଜୁନିଅର ଆକାଉଣ୍ଟାଣ୍ଟ ପଦବୀରେ ନିଯୁକ୍ତି ପାଇଁ ବିଜ୍ଞପ୍ତି ଜାରି କରାଯାଇଛି। ଏହି ନିଯୁକ୍ତି ପାଇଁ ଅନଲାଇନରେ ଆବେଦନ ପ୍ରକ୍ରିୟା ଆରମ୍ଭ ହୋଇଯାଇଛି। ମୋଟ ୩୧ଟି ପଦବୀ ପୂରଣ ପାଇଁ ବିଜ୍ଞପ୍ତି ପ୍ରକାଶ ପାଇଛି। ଏଥିପାଇଁ ଯୋଗ୍ୟ ପ୍ରାର୍ଥୀ ମାନେ OSSC ର ଅଫିସିଆଲ ୱେବସାଇଟ୍ ossc.gov.in କୁ ଯାଇ ଆବେଦନ କରିପାରିବେ। ଜାନୁଆରୀ ୧୬ରୁ ଆବେଦନ ଆରମ୍ଭ ହୋଇ ୧୮ ଫେବୃଆରୀରେ ଶେଷ ହେବ। ଜୁନିଅର ଏନଫୋର୍ସମେଣ୍ଟ ଅଫିସର ପଦବୀ ପାଇଁ ଆଶାୟୀ ପ୍ରାର୍ଥୀ ମାନେ ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ଯେକୌଣସି ଷ୍ଟ୍ରିମରେ ଗ୍ରାଜୁଏସନ ଡିଗ୍ରୀ ହାସଲ କରିଥିବା ଦରକାର। ଜୁନିଅର ଆକାଉଣ୍ଟାଣ୍ଟ ପଦବୀ ପାଇଁ କଳା/ବିଜ୍ଞାନ କିମ୍ବା ବାଣିଜ୍ୟରେ ଗ୍ରାଜୁଏସନ କରିଥିବା ଏହା ସହିତ କମ୍ପ୍ୟୁଟର ଜ୍ଞାନ ଥିବା ଆଶାୟୀ ମାନେ ଆବେଦନ କରିପାରିବେ। ଏଥିପାଇଁ ବୟସ ସୀମା ୨୧ରୁ ୩୮ବର୍ଷ ରହିଛି।
